Baptist Mashihi Mission Centre hawn a ni.

April 12, 2021 tlai dar 4:00 khan Baptist Mashihi Mission (Non-Mizo Mission kan tih thin kha) Office leh Director Quarters, Bazar Bazar veng Lunglei a mi chu General Secretary, Rev. F. Ramdinmawia’n a hawng.

Baptist Masihi Centre hawnna inkhawm hi Rev. B. Zirsangliana, Director, in a kaihruai a. Building sak dan report tlangpui a pe a, General Secretary in Building hawnna a neih hnu in Rev. Dr. C. Vanlaldika, AGS – Mission-in Pathian hnenah a hlan a ni.

Baptist Masihi Centre hawnna ah hian ‘Baptist Mashihi Inkaihhruaina’ tlangzarh nghal a ni a, Lehkhabu hi Rev. R. Lalthangliana’n a tlangzarh a ni. Rev. C.  Chhuntluanga, Pastoral Coordinator-in tawngtaina hmang in inkhawm a khar a, he hunah hian Headquarters hruaitute bakah Bazar Bial Mission Committee member te, Baptist Masihi Sangati member te an kal tha hle.

Report in a tarlan dan in hawn ni thleng hian cheng nuai 60 vel hman ral a ni a, Chhawng ruk ni in, a chunglam chhawng 3 chin zawh tawh a ni a, a len zawng hi a dung feet 45, a vang feet 40 a lian niin room lian tak tak- Property room, Dormitory, Meeting room, Guest room, Kitchen & Toilet te a awm a,  a chhawng chung berah hian Multipurpose Hall zau tha tak dah a ni bawk.