BAPTIST MASIHI SANGATI

BCM Non-Mizo Evangelism, Inenkawlna leh rawngbâwlna dinhmun

“…ram dang mi, in rama khawsa ve an awm chuan in tichhe tur a ni lo…in rama mi rêng ang an ni tur a ni a, nangmah i inhmangaih angin i hmangaih tur a ni (Lev 19: 34-35).

– Rev.B.Zirsangliana, Pastor incharge, Baptist Masihi Sangati.

Zoram Baptist kohhran hian kan rama hnam dang hote zînga rawngbâwlna (Non Mizo mission) hi kum 50 zet kan lo kalpui ve ta. Tûn hmaa Non Mizo rawngbâwlna tia kan sawi \hin hi Baptist Masihi Sangati ti a thlâk a ni tawh a, ‘Non Mizo’ tih hi kan lo hriat \han tawh dân a nih avângin a hming pawh hi kan hman pawlh lo thei lo bawk. He rawngbâwlna leh hmalâkna hi a zau hle a, Mizoram chhûnga hnam dang zawng zawng (Meitei, Matu, Nepali, Santali etc) leh sakhaw hrang hrang (Hindu, Muslim, Buddhist) hi a huam kim deuh vek a ni. Bru leh Chakma lam hi mahni inrelbâwlna mumal tak neiin kal tawh mah se, an awmna hmuna zirin Non mizo rawngbâwlna hian a hma tel lo thei lo bawk.

Bul \anna leh hmasâwnna: Kan bul \anna kan thlîr lêt chuan kum 1966 a\ang khan a in\an chho tawh a, kum 1966-ah khan Thenzawl lama vai hote chu man khâwm niin Lungleia dah an ni a, hêng mite zingah hian Pathian thu hril niin an zînga mi 7 te chuan Baptisma an chang nghe nghe a ni. Non Mizo zîngah mumal taka rawngbâwlna nei tûrin evangelist hmasa ber Pu Lalrâwna (chandmari, Lunglei) chu 30th October 1967-ah khan rawih \an a ni a, heta \ang hian mumal taka hma lâkna kan nei chho ta a ni. Kum 1980 hnu lam a\ang khan Non Mizo zinga rawngbâwlna hi nasa lehzuala buatsaih a ni a, tûnah hian thawktu pawh Pastor pakhat leh Evangelist 15 (BCM employee) an awm mêk a, thawktute hi an la indaih lo hle. Chhûngkua 236 niin Fellowship member 857 kan ni. Tûnah chuan Pastor Quarters pawh luah fel a ni ta a, ti changtlung chho zêl tur pawhin khawsak harsa tê tê, Non Mizo fellowship hote a\ang ringawt chuan thil a harsa dâwn hle a, kohhranhote bengvârna leh hmalâknaah a innghat dâwn a ni.

Inenkawlna lam: Tûna kan dinhmun leh kalphungah hian Local church la awm lovin Fellowship vek kan ni a, Fellowship memberte pawh an awmna hnai ber Tualchhûng Kohhran member-a inziak lût vekin thilpêk (sâwma pakhat) te pawh an chhûng lût \hîn. Mission Co-ordinator leh Pastor kaihhruaina hnuaiah Evangelist te’n rawngbâwlna an kalpui mêk bawk. Kohhranhote hi Pastor bial pângngai anga kalpui theih a nih loh avângin rawngbâwlna kalphungah pawh Mission field anga hmalâkna lian berah evangelism hi kan kalpui a ngai bawk.

Harsatna leh hmalâk \ûlnate:

1. Tûna dinhmunah hian Mission Field anga buatsaih a ni lova, Pastor bial anga buatsaih, mahse bial pângngai anga kalpui theih si loh a ni. Pastor leh Evangelist hote tân pawh Evangelism lama activity tam zâwk neih a \ûl hle. Thawktu lam kan la tlêm avângin kan evangelist-te pawh kan la indaih lo hle a, Aizawl khawpuiah pawh hian thawktu evangelist kan la nei miah lo a ni. Evangelism hmalâkna hi Mizoram pumpui a nih avângin Evangelist tam zâwkte nên tûn aia hmalâkna nasa zâwk hi kan neih a \ûl hle.

1) Kohhran a member nih kawp (Dual membership): Baptist Masihi Sangati-a member-te hi mahni awmna hnai ber Local Church-ah member-a inziak lût vek kan ni a. Local church leh Fellowship member kan ni kawp vek a ni. Hei hi a \ûlna pawh a awm a, chutih rualin Kohhran hmasâwnna kawngah harsatna a siam ve tho bawk. Pakhatnaah chuan kan fellowship \henkhatte hi Local church inkhâwmnaa tel vek hnu-ah Non Mizo puala inkhâwmna neih a ni \hîn. Pahnihnaah chuan Thilpek (Sâwma pakhat leh thil dang) hi Local church-a chhun luh a ni a, kohhran member kan nih miau si chuan BMP, |KP leh BKHP lamah te pawh Target tuakna kawngah a tel loh theih loh a, chutih rualin Non Mizo Fellowship intuamhlâwmna kawngah thawhlâwm chi dang a lo awm ve leh a (Krismas, Inkhâwmpui Fund, etc) mihring khawsak phungah a harsa ber ber kan lo ni leh bawk si a, member nih dân kalphung pawh hi ngaihtuah nawn a \ûl hle.

2) Kohhran rilru: Non Mizo member-te Local church-a member an nih dân kalphungah hian kohhran hruaitute thlîr dân pawh a inchen lo. |henkhat chuan an member-te an nih ang takin hêng Fellowship-te inkhâwmnaah pawh telpuiin Sermon rawngbâwlna pawh regular-takin an hmanpui bawk. Biak In kan neih chhunte pawh min tuam hlâwm sakin \henkhat chuan Non Mizo puala camping programme te hial pawh an buatsaih a, Non Mizo fellowship pawhin an sâwtpuiin an thlamuan phah hle. Fellowship \henkhat erawh member an nihna Local Church hruaitute’n kum tluana an inkhâwm leh Programme-te an hriatpui loh leh telpui ngai loh te pawh an awm bawk. Chu mai bâkah Kohhran member an nih chuan a hranga thiltih a \ûl hran lo tih ngaihdân neite pawh kan awm bawk (kan membership leh thilpêk lamte a nghawng dâwna kan hriat vâng pawh a ni thei). Amaherawh chu ‘Non Mizo fellowship’ kan din chhan hre reng chunga ngaihtuahna thar nên kan inenkawl a \ûl hle.

3) Biak In mamawhna: Non Mizo zinga Rawngbâwlna Golden Jubille lawm (2017-ah) a nih tawh hnu hian Biak In mumal nei kan la awm lo hle. Tûnah hian fellowship 22-ah hmun 4-ah chauh Biak In kan la nei. Biak In nei lova mi ina inkhâwm reng hi remchân lohna tam tak a awm \hîn. Biak In nei lo chuan Pathian biak in hlutna leh Kohhran nun tak tak pawh zir a ti harsa bawk. Non Mizo fellowship member-te hi a tam ber chu mahni in leh lo hmun nghet neia khawsa leh Mizorama kum tamtak awm tawhte an ni a. Hei vâng hian Biak in din a, mahni inrelbâwlna mumal tak nei tûra kan inbuatsaih thuai thuai hi a \ûl hle mai.

4) Inkaihhruaina dân: Non Mizo inkhaihhruaina dân pawh buatsaih ni bawk mahse Pastor leh Kohhran hruaituten kan la hmêlhriat lo viau niin a lang. Inkhaihruaina bu-ah hian Pastor mawhphurhna leh Pastor bial mawhphurhna te, Pastor bial activity-a an tel ve theih dân te pawh târlan a ni a, hei hi mumal zâwka kan hriat tlân a \ûl hle.

5) Christian literature lam: Non Mizo zînga rawngbâwlna leh kohhran inenkawlna hi kum 50 zet ni tawh mah se, a bîk takin Christian literature lamah hmalâkna kan la nei lo hle a, tûn thleng hian Sunday School zirlaibute pawh \awng dang (Hindi/Nepali)-a buatsaih a la ni lo va. Fellowship \henkhat chuan Kohhran pawl dangte siam an hmang mai \hin (hei hi a fel tâwk lohna a awm) kohhran thu zir bute pawh Non mizo kohhrante hman tur, Baptist kohhran buatsaih ngei kan neih theih hi a hun ta hle.

6) Rawngbâwlna a awlsam lo: Mizoramah hian ringlo mite zinga rawngbâwlna hi a awlsam lo hle. Tam tak chu hun reilote chhûng chauh lo awm te leh inhlawhfate an nih avângin an zînga rawngbâwlna hun neih pawh hi a harsa fo \hîn. Mizorama lo awm rei deuh tawh te pawh kan khawsak leh nunphunga a \ha lo lai ber ber hmu fo \hîntute an ni a, hei vâng hian thil a awlsam loh phah niin a lang bawk. Kan ramah hian Mosolman hote pawh Association nghet taka dingin an tam sâwt ta hle a, hêngte pawh hian thil tih a harsat phahna lai a awm bawk.

Kan Mission field a ni: Non Mizo zinga rawngbâwlna hi Mission Field-a buatsaih a nih lêm loh avângin kohhranhote rilruah pawh Mission Field angin kan thlîr lêm lova. Mahse kan Mission Field lian leh pawimawh tak a ni tih hi kan chian thar a \ûl takzet a ni. Ram pâwn lama kan rawngbâwlnaah hian Kohhranhoten \awng\aina nasa tak leh thilpêk nên theihtâwp kan chhuak mêk a, keimahni ngei kalin sum tam tak sêngin kan tlawh \hîn bawk. Kan kiang ngeiah pawh Lalpan thlarau bo tamtak min hmachhawntîr a, “Kan vêlah buh lâk tur tam tak an awm a ni” tih hi i hre thar leh ang u. Hêng hi kan hriat reng a \ûl hle:-

1) Kohhrana pâwl hrang hrang (FOD) te pawhin Mission Field rawngbâwl hna kan thawh theihna hmun a ni a, \awng (language) lamah harsatna kan nei a nih pawhin Non Mizo evangelist te leh \awng thiam dangte pawh sâwmin he rawngbâwl hna hi kan thawk thei.

2) Local church-te nên thawk hova insêngso tam lova evangelism kan neih theihna hmun remchâng a ni a, sakhaw dang betute zîngah vênthâwn nei lo leh zalên taka kan duh ang tâwka rawng kan bâwl theihna hmun a ni bawk.

3) Mission Field lama rawngbâwl tur (evangelist) kan buatsaihna hmun pawimawh lutuk a nih avângin lian zâwka hmalâkna buatsaih thuai thuai hi a \ûl hle. Ramthim rawngbâwlna hmuna kan Native worker (evangelist) \ha ber berte hi Mizorama an awm laia ringtu lo ni ta te an ni. He laia mite hriat hlawh ngai lo, kan non mizo memberte hi anmahni rama an kîr leh hnu hian kan Mission field lamah kan kutkê ber leh mi \angkai ber ber an ni \hîn a ni tih hi kan hriat a \ûl hle.

Krista rilru nên i thawk ang: Rawngbâwlna hi a eng lam hawi pawh ni se, Lalpan a duh ber chu kan rilru zawng zawng leh kan theihna zawng zawng nêna tih hi a ni (Marka 12:30). Non Mizo zinga rawngbâwlna hi mi tamtak rilruah lian lo hle mah se, Vân Pathian mithmuhah hian a tê lo a ni tih hi hre thar leh ang u. Israel fate hnênah Lalpan ti hian thu a pe; LALPA in Pathian hmaa an rawn inlan hunah he dân hi Israel mi zawng zawng hriatah in chhiar tur a ni. Mipuiho a hmei apa, in fanau tê tê te, in awmpui ram dang mi te, anni chuan an ngaihthlâk a, an zir a, LALPA in Pathian chu an \ih a, he dân thu zawng zawng hi fimkhur taka an zawm theih nân (Deut 31:11-12). Keini pawh kan zînga hnam dang, ringlo mite, an hnêna Lapa thu hriattîr leh zâwm tura buatsaih hi kan zavaia mawhphurhna a ni. In grêp huana mi in lawhin a \o in zawng tur a ni lo; ram dang mi te, pa nei lo te,hmeithaite ta tur a ni (Deut 24:21) titu khan hmangaihna leh lainatna nên enkawl a, Lalpa hman tlâk an nih theih nâna buatsaih tur hian kohhranhote mawhphurhna lian tak min pe a ni.