Baptist Today  kum 17 tling

Mizoram Baptist Kohhrante chanchin kan inhriat pawh theihna tûra Chanchin Bu pawimah tak mai Baptist Today kâr tin chhuak chuan  July 1, 2018 hian kum 17 a tling ve dawn ta. Kum 2001, July 1-ah chhuah tan a ni a, a tirah copy 1000-a bul tan a ni a, tunah hian Copy 13,400 chhut mek a ni. 

Baptist Today kum 17-na denchhen hian Communications Department Director, Rev. LB Khawpuimawia chuan thuchhuah siamin, a chhuah tan tirh atanga Kum 17 chhûnga chatlak miah lova a chhuah theih nâna lo enkawltu zawng zawngte leh Pathian thu (Sermon) tha tak tak ziak thintute chungah leh a hlawhtlin nana subscribe tu Kohhran chhungkua leh mimal te leh thahnemngai taka sem tu (Agent) te hnenah lawmthu a sawi a. Hun lo kal zêl turah kohhranhote tân malsâwmna lo ni zêl theih nana thurawn pe zel turin a ngen bawk.

Baptist Today hi tih hmasawn zel tum a ni a, Sermon leh Article te a thamral mai loh nan leh a mamawhte tan Website-ah Page hran dahin dahluh thin a ni dawn a, hun rei lo te-ah hei hi tihhlawhtlin tum a ni ang. (Web Admin)

Tuna Baptist Today enkawl mek tute hengte hi an ni:-

Chief Editor :  Rev. LB. Khawpuimawia

Executive Editor    : Rev.C.Lalbiakzama

Editor : Upa K.Lalnuntluanga

Joint Editors :  Upa R.Lalrochâma &  Upa Pc Vânlalrova

News Editor : Upa ZD Lalnunmawia

Circulation Manager : Upa H.Lianchhûngi

Posted in BCM News.