BCM Assembly 2019 tluang takin tiak ta

Calvary Baptist Church Venglai(Drawing)

Mizoram Baptist Kohhran Rorelna sang ber, BCM Assembly Rorel vawi 123-na chu, March 6, 2019, (Nilaini) atang khan Bazar Pastor Bial, BCM Venglai-ah nghah a ni a, kumin Assembly thupui chu “Isuan ro a rel” tih  niin thupui then hrang hrang hmangin Bible Study leh Sermon tha tak tak ngaihthlak thin a ni. Chanvo neitu ten an chanvo theuh tha taka tiin Inkhawm apiangin Zaipawl 2/3 an zai thin a ni.Assembly Rorel tluang taka neih niin March 9 (Inrinni) tlai dar 5:30 vel khan an zo thei a. Rorel palai 1090 in report chin an ni a, thu pawimawh tak tak passed-in, Assembly Committee-Nomination, Mission, Central, Service leh Executive Committee atanga thu lut chho te pass deuh vek a ni a, ABC atanga agenda lut 27 zingah 17 zet an passed bawk.(Show more)

Nimin, March 10, 2019 (Pathianni) Chawhma Inkhawm chu Ordination Service atan hman a ni a, Rev. PC Liandula, BCM President chu Presiding Minister niin inkhawm a kaihruai a, Pastor 8 minister atan nemngheh an ni. Chawhnu lamah Sacrament Inkhawm neiin Rev. V. Vanlalchhunga, Pastor Coordinator-in dawhkan a buatsaih bawk.

Inkhawmpui tawp zan-ah BCM President thar, Rev. PC Liandula’n inkhawm a kaihruai a, BCM hruaitu thar – BCM Puipa thlan tharte, Department heads leh Institution Heads 2019-2022 te Pathian hnena hlanna leh lakluhna(Installation) neih a ni a, Rev. Lalbiaksanga Chinzah, Outgoing President-in  “Isuan Ro a Rel –  Thiltihtheihna leh Hnehnain’ tih hmangin thuchah ngaihnawm takin a sawi a.

BCM Hruaitu thar 2019-2022

Inkhawmpui tawp zanah hian BCM Pastor, Pension-a chhuakte hnenah ngaihhruihna thu ziak (Citation) hlan an ni a, Pastor Pensioner 19 laiin a hmunah hian an rawn dawng thei a ni.

Kumin Assembly-ah hian Kohhran Pawl dang leh Association hrang hrang atangin palai(delegates) 19 an rawn tel thei bawk.

Kum 2019 Assembly  hi a pumpui thu-a thlirin hmasawnna tam tak hmuh tur a awm a. A dawltu – Bazar Pastor bial te leh a thlengtu (Host Church) te inpekna leh thawhrimna palaiten an fak hle. Kum 2020 BCM Assembly chu Rahsiveng-ah neih a ni ang a, 2021 chu Lunglei Ramthar-ah neih a ni veleh dawn a ni.

 

Posted in BCM News.

admin