BCM Assembly atan inpuahchahna kalpui mek a ni. 

Assembly atana inbuatsaihna thlirho

Kumin 2020 BCM Assembly chu BCM Biak In, Rahsiveng ah Rahsiveng Pastor Bial in a thleng dawn a. Inbuatsaihna kalpui mek a ni a. January ni 31 zirtawp ni khan Assembly 2020 chungchanga inrawn hona leh Assembly atana inpuahchahna te thlirhona neiin BCM Headquarters hruaitu te leh Assembly Organising Committee leh Sub-Committee hrang hrang a mawhphurhna nei tu te inhmuhkhawmna BCM Biak In, Rahsiveng ah neih a ni.

Assembly 2020 atan hian Organising Committee bak ah Sub-Committee 12 din a ni a, he meeting ah hian Sub-Committtee hrang hrang ten an ruahmanna report tlangpui te ngaihthlak a ni a, ruahmanna pawimawh dang te pawh sawiho nghal a ni. A dawltu lam inbuatsaihna tha takin an kalpui mek a, chutihlaiin Headquarters lam pawh a Report File leh Agenda te lakhawmin a inpuahchah chho mek bawk.

Kum 2020 BCM Assembly hi Rahsiveng Biak In, Savidge Memorial Church-ah March 4-8 khian neih a ni dawn a, kumin Assembly thupui tur chu ‘Dintharlehna’ tih a ni ang.

Download: Assembly 2020 Programme