BCM Bus thar Pathian hnenah hlan

Assembly 2019-in a lo rel tawh angin BCM Headquarters Office-a hman tur Bus thar chu lei fel a ni ta a, He Bus thar hi September  12, (Ningani) khan Serkawn a rawn thleng a, vawiin September 18, 2019 (Thawhlehni) chawhma dar 10:30 khan Pathian hnena hlanna Programme tawi BCM Headquarters Office kawt-ah neih a ni.  

BCM Property Manager, Er. Victor L Sailo chuan Bus thar lei a nih dan leh a chhan te sawiin –  Headquarters Office a kawl lai Bus chu a a hlui tawh avang leh a a hman hleih theih tawh loh avangin Property Department chuan Assembly-ah Bus thar lei hi a dil a. Assembly chuan remtiin bawhzui a lo ni ta a ni. Bus lei  nan hian cheng nuai 24 leh sangnga sen a ni.

BCM General Secretary, Rev. F. Ramdinmawia pawhin thu sawiin, hetiang bus thar tha tak leh mawi tak Kohhranin kan nei leh thei hi pathian malsawmna a ni a, Pathian rawngbawlna atan tangkai tak leh hlawk taka hman a nih theih nan tawngtainaah pawh hre reng turin a chah a. AGS i/c Mission Rev. Dr. C. Vanlaldika’n Pathian hnenah lawmthu sawina leh tawngtaina-in hun a khar.

Tunah hian Misoram Baptist Kohhran hian Institution hrang hrang bakah  Headquarters Office, E.S. Offices – Aizawl leh Lawngtlai Area-ah te Rawngbawlnaa an hman theih Bus pakhat theuh an kawl mek a ni.

 

 

Posted in BCM News.

admin