BCM Charity fund atangin cheng nuai khat sem remti

BCM R&D Committee  Meeting

Nimin, October 6,2019 chawhma dar 11:00 khan BCM Committee Room, BCM Hqrs. Office, Serkawn-ah Mizoram Baptist Kohhran, Relief and Development Department Committee Meeting neih a ni a, Meeting hi Committee Chairman, Rev. R. Lalbiakliana, AGS i/c Service-in a kaihruai a, Pu Lalrinawma, Director, R&D-in report tlangpui a pe bawk.

Nimin Meeting-a an thu ngaihtuah langsar zingah BCM Charity Fund kalpui zel dan tur leh tuna sum tliangkhawm atanga tanpuina sem dan tur te rel-in damlo leh mi harsa zual tanpui nan cheng Nuai khat hman remtih a ni a, R&D Programme Coordinator pakhat lak dan tur ngaihtuah a ni bawk.

Director-in report-a a tarlan danin September 24 khan a thawh hnihna atan Tlabung leh a chhehvel-ah kumin fur tuilian tuarte chhawmdawlna neih a ni a. Hetah hian Buhfai Bag 200, Thosilen 200, Silpouline 200, Dal Kg 200 leh Tel Case 18 sem a nih thu a tarlang a. September thla chhungin mi harsa leh damlo mangang te hnenah BCM Charity Fund atangin Rs. 25,000/- sem ni thu leh tunah hian BCM Charity Fund-ah – Cheng nuai hnih, singriat leh sangnga an kawl mek thu a tarlang bawk. Pithapuram, Andra Pradesh-a GNM zir tur mi 21 leh BSC Nursing zir tur mi 3 BCM R&D Sponsor-a lak te chu September 24 –a an zirna tur an pan thu te tarlangin Youth Skill Training hnauiah Puanthui zir mi 39 Graduation pek an nih thu a tarlang bawk.

Posted in BCM News.

admin