Cheural Kohhranin Pawthian Chawimawi

Cheural khua BCM Kohhran (Kumthar ruai thehna atanga Kohhran pum huap a damlohna tawk) ten Inrinni khan BCM Cheural Kohhran te chuan Pathian hnena lawmthu sawina leh Pathian Chawimawina hun an hmang.

Kumthar ruai thehna atanga mi 200 chuangin natna leh harsatna tuara Doctor leh damdawi lama thawkte buaipui ngai khawpa an awm hnuin Pathian khawngaihna leh venhimna changa tumah inhloh lo a, damna an chan leh avangin BCM Cheural Kohhrante chuan Pathian chawimawina leh lawmthu sawina hun an hmang. 

Inrinni zing dar 11 khan BCM Biak In Cheural ah Vantlang inkhawmna neiin BCM Phawngpui North bialtu Pastor Rev.HS.Lalramnghaka’n thuchah a sawi a, tlailamah zaikhawmna neiin ruai tuihnai tak an kil ho nghal a ni.

BCM Cheural Kohhran ten harsatna an tawh avang hian Kohhrante leh mi tlawmngai tamtakte hnen atangin Sum fai Rs.69,500 an dawng a, heng bakah hian Sorkar leh mimal atangin damdawi engemaw zat athlawnin an dawng bawk a ni.

Ruai ?hehna atanga damlo (Cheural BCM Kohhran In 87 a member 590 atanga) mi 200 vel zingah hian mi tlemte, insawiselna la nei awm bawk mahse mi tam zawkte chu an dam tha pangai leh tawh a ni.

Cheural BCM Kohhrante leh Cheural VC leh NGO hruaitute chuan an harsatna leh natna tawh avanga mi tlawmngai thil pek petute leh anmahni kan tute bakah anmahni enkawltu Doctor leh staff te chungah lawmthu an sawi bawk a ni.

Src: Lomtea VL Lawma Hnamte @Lunglei Chanchinthar

Posted in BCM News.

admin