BCM Committee sang pathum zawh fel a ni

Mission Committee Meeting : 14.11.2018

Mizoram Baptist Kohhran, Assembly Committee sang pathum, Mission, Service leh Central Committee Meeting, November 14-16 chhunga neih chu vawiin khan zawh fel a ni ta.  Heng Committee Meeting hi November 20 atanga neih tan tura  Calendara dah ni mahse, Mizoram State Election nen a in rual chhoh dawn avangin November 14 ah sawn hnaih a ni a, ni hnih awh theuh tura duan chu nikhat awh tura ruahman thar niin ruahman ang hian tluang takin an zo thei ta a ni.

Tun tum Committee-ah hian thu ngaihtuah tur(Agenda) a lut tam lo va, Annual Working Plant Report April-October & Achievement Report te thlirin Eavluation an nei  bawk.

Mission Committee:

Mission Committeee Meeting, November 14, 2018-a neih chu tluang taka zawh niin Committee member 77 an tel thei a, an thu rel tlangpui hengte hi a ni:-

1. Bodoland Baptist Church Association Headquarters Mashalpura an sawnna atan ram leina tur tanpuina an rawn dil chu Mission Board-in Rs. nuai nga (Rs. 500,000/-) a tanpui ni se tia a lo rel chu  pawmpui a ni.

2. Odhisa (Orissa) Field Survey report chu thlir ho a ni a, Assembly Executive Committee-ah thlen chhoh leh ni se tih a ni.

3. Non-Mizo Mission Director hrang neia enkawl chungchang ruahmanna chu pawm a ni a, Constitution khawih tel a nih dawn chuan a tul anga tifelin Assembly 2019-ah thlen chhoh ni se tih a ni.

4. North India Mission-ah thawktu tam zawk dah rawtna Bial atanga lo lut chu ngaihtuahin sawifiah a ni a. BCM Planning Commission-in Mission Field hrang hrang te a en tha mek a, hemi chungchang pawh hi lo thlir tel ve se ti-a dah a ni.

5. Baptist Mission School, Mualbu Kawnpui Mizo Medium-a kalpui mek chu english Medium-ah leh ni se tih a ni.

6. Heng ahnuaia tarlan Mission hnuaia thawktu mi pathum te hi 2019-ah an pension a lo hun dawn ta a, Pension-a an chhuah tur thu  report leh an chhuahsan tur post  hum dilna chu Assembly-ah thlen ni se tih a  ni.

Sl.No Hming Pension hun
1. Zoawithanga April 1, 2019
2. Nairaha April 1, 2019
3. K. Lalremsanga December 1, 2019

Service Committee:

Service Committee Meeting chu nimin, November 15, 2018 khan neih a ni a, Member 57 atangin 45 an kal. Thurel pawimawh thenkhatte:

1.  Kum 2019 Relief Sunday Pathianni zing thawhlawm hi BCM Charity Fund-ah chhun luh turin Assembly-ah dil ni se.

2. BCM Bookroom din belh leh tihchangtlun zel a nih theih nan hma lak ni se tih chu – a changtu Department Baptist Literature & Printing Press lamin hma lo la se.

3. HATIM-ah subject pahnih History leh Philosophy  Elective paper te hi Core paper-ah hlankai ni se, Education leh Psychology subject pawh Elective paper atan hawn belh Assembly-ah dil ni se.

4. Rehabilitation Boys Hostel sak nan Rs. 1,500,000/- pek a ni.

5. Counseling Centre tihchangtlunna tura rawtna – Counsellor pakhat rawih belh rawtna te, Psychiatrist pakhat dah belh tura dilna te, Budget tihpun leh Lunglei hmar lama Counselling Centre hawn belh te,  Counselor tha kan neih theih nan a tuimite training tha tak pek ni se tih te chu Social Concern Dept.-in a puitlin theihna turin hma lo la se, Write-up nen BCM Assembly-ah Service Committee aiawhin lo thlen se tih a ni.

6.Senior ‘B’ zirlai bu a Bible chhung thu (Text) prin kai tawh loh ni se, Assembly-ah thlen ni se tih a ni.

7. Baptist english School, Zawlnuam Golden Jubilee Hall sakna tur Appeal sim dilna chu Assembly-ah thlen remtih a ni.

 

Central Committee thurel:

Vawiin, November 16, 2018-a Central Committee Meeting-ah hian member 57 atangin 43 an kal. Thu rel thenkhatte:

  1. Recruitment Rules enthat chungchang rawtna chu Pay Commission 2018 kutah dah a ni.
  2. Pu H. Lalhuzauva, Account Officer leh Pi H. Lalthasangi, Accountant te Confirm turin Assembly-ah thlen ni se tih a ni.
  3. Pastor nemngheh tur  Pro.Pastor 8 leh Pastor atana lak thar mi 8 te Assembly executive Committee pawmpui tura a thlan te  repor a ni.
  4. Debitola Mission Compound chhunga BCM Quarters Missionary ten an luah tawh loh te Rabha Baptist Union kuta hlan tura rawtna chu Assembly-ah thlen chhoh ni se tih a ni.
  5. BCM Motor(vehicles) hman lai 7, a hlui avanga tihral leh a thar 7 lei rawtna ngaihtuah a ni a, heng zing atang hi Hqrs. hman lai Bolero chu tihral rih loh ni se la, a thar 7 lei rawtna pawh 5 lei ni se tiin Executive Committee-ah thlen chhoh leh ni se tih a ni.

Hêng bâkah hian kum hlui 2016 – 2017 Annual working Plan report leh kum kal lai Annual working plan (1st Quarter) report April – June thlirho a ni bawk.

 

Posted in BCM News.

admin