BCM Communications Department Orientation

October 17 & 18, 2019 hian Mizoram Baptist Kohhran Communications Department hnuaia Audio Visual lama thawkthute chuan Sap Upa leh Pu Buanga Hall, Serkawn-ah Orientation an nei. He hun hi Pu C.Lalhmachhuana, BCM AV Manager-in a kaihruai. 

Hun hmasa lamah inhlantharna tawngtai rual neih a ni a, Communications Director Rev. Dr. Lalzarliana’n thawktute tana hriat tur pawimawh hrang hrang leh fuihna thu a sawi a,  Pu C. Lalhmachhuana, Manager, BCM AV-in hmachhawp hrang hrang te a tarlang a. BCM AV-a thawktute tana hriat tur leh tul te a sawi hnu-ah sawizauna leh sawihona hun hman a ni a, hna chanpual insem dan tur te sawi zui a ni bawk. A ni hnihnaah General Secretary, Rev. F. Ramdinmawia’n BCM-in Communications Department a din chhan leh hmalak dan te, hmachhawp leh tul pawimawh hrang hrang te sawiin thawktute inpekna thuk tak nena tan la thar turin a chah. AV manager leh Director ten tul leh tha an tih te sawiin zawhna leh chhanna hun te hman a ni bawk.

BCM AV Workers

BCM Audio/Visual Production atan hian tun hnaiah hma thar lak chhoh mek a ni a. Office leh Production room renovate an zo tawh a, Recording studio pawh siam thain November thla atanga hman tan theih tura hma lak mek a ni. Thawktu thar – Production Assistant pahnih, Aizawl leh Lawngtlaia awm tur lak fel tawh a ni a, Casual Anchor tur mi pathum tunkar khan lak fel a ni bawk.

 

AV Manager Room

Production Room

BCM AV Room

 

BCM AV Studio

Posted in BCM News.

admin