BCM Emblem hman chungchang ngenna

Mizoram Baptist Kohhran, Central Committee Meeting, August 25, 2017-a neih chuan BCM chhinchhiahna (Emblem) Social media-ah pawlho emaw in BCM Official ni lova Group Icon-ah hman loh nise” ti-a a rel angin Social Media Group Icon-a BCM Emblem hmangtu zawng zawngte leh Emblem dang siama BCM Emblem la lan teltirtu zawng zawngte pawhin hmang tawh lo nghal tur a ngenna nimin, August 28, 2017 khan a ti chhuak. hetiangin:-

BCM CIRCULAR 1/2017

BCM Emblem hman chungchang

BCM Central Committee August 25, 2017-a neih chuan BCM Emblem hman dan chungchang a ngaihtuah a, A hman dan tur leh a hman hun turte chiang zawka la ruahman tum mek a ni a. Tun tumah erawh chuan Social media-a pawlho emaw in BCM Official ni lova Group Icon-a hman loh nise, tiin a rel a. Chuvangin hetianga Social Media Group Icon-a BCM Emblem hmangtu zawng zawngte leh Emblem dang siama BCM Emblem la lan teltirtu zawng zawngte pawhin hmang tawh lo nghal turin kan inhriattir e.

Sawifiahna :

Emblem hi Mimal, Pawl, Ram leh Kohhrante Aiawh tura chhinchhiahna milem hi a ni. Pawl hming putu, an thiltum leh an nihna tarlang thei tur chhinchhiahna a ni. An thupui (motto) a huam tel a, an thurin innghahna leh hawi lam tur hriltu a ni.

BCM emblem chu January 1983 Executive Committee in a pawm atangin hman a ni a. BCM chuan a hman dan tur mumal taka siam a nei rih lova, Mahse kohhran rawngbawlna thil atan chauh hman tur tih chu thil chiangsa anih laiin Icon-a BCM Emblem hmanna Group thenkhatah BCM sawiselna leh thu belhchhian dawl lo post te a awm thin a, hei hi thil inhmeh lo leh tha lo tak a ni.

Internet leh WhatsApp hmang tuten dan an bawh chhiat chuan a hremna chi hrang hrang a awm a. Hengah hian BCM Emblem, group icon a hmang tuten dan an bawhchhiat chuan hrem ve theih tho an ni. Emblem hman avanga hremna ni lovin an thu chhuah/thawn avanga hremna a ni a, BCM emblem awmna group a mi hrem a lo nih khan kohhran tan pawh a hming chhiat thlak ve thei tho a, chuvangin hetiang thil laka inven hi a him a ni.

Sd/-(Rev. F. Ramdinmawia)
General Secretary,

Posted in BCM News.

Leave a Reply

Your email address will not be published. Required fields are marked *