BCM hnuaia thawktu pathum Pensionin an chhuak

September 1, 2020 atang khan Mizoram Baptist Kohhran hnuaia thawktu pawimawh leh tangkai tak tak mi pathum – Rev. B. Lalrinawm (Pastoral Ministry) Upa Dr. LH Lalrammmawia(Senior Specialist, M&H) leh Pu K. Lalrokima, (Missionary) te chuan BCM hnuaia an service chhiar zovin Superannuation Pension-in an chhuak ta.   

Rev. B. Lalrinawm hian B.Th a zir zawhin 1982-ah BCM hnuaiah Pastoral Ministry-ah a lut a, 1985, March 10-ah BCM Assembly Ramthar veng-ah  Minister atan nemngheh a ni.

Pastor hna a thawh chhung hian Pastor Bial hrang hrang 7 enkawlin, Mission Field-ah kum 13 zet a awm a (Missionary Pastor –Tripura-ahkum 3,  Field Director, Arunachal Fiels (Adi-Galo) ah kum 5, Arunachal West Fiels-ah kum 5 a awm a, Mission Field-ah hian kum 13 zet a awm a, Headquarters-ah Mission Coordinator hna kum 6 chhung a chelh tawh bawk a ni.

Upa Dr. LH Lalrammawia, Christian Hospital, Serkawn-a Senior Specialist leh Medical Superintendent hna pawh lo chelh tawh chu September 1, 2020 khan Mizoram Baptist Kohhran hnuaia a service hun chhiar zovin Superannuation pension-in a chhuak ve ta. Kristian Hospital-ah hian kum 37 zet a Service hman a ni.

Pu K. Lalrokima hian kum 1991-ah missionary hna thawk tanin Chawngte, Putlungasih leh Marpara-ah te a thawk a. Mathematics subject a zirtir thin a ni.

Mizoram Baptist kohhran chuan heng mi pathum, a ruala pensiona chhuak te hi a ngaihluin an rawngbawlna te avangin lawmthu a sawi a. Pension thlenga pathian rawng bawla hriselna tha tak nen hun an hmang thei hi a lawmpui e mem a, hun lo kal zel turah duhsakna sang ber a hlan bawk a ni.