BCM hotute programme

Tun Weekend hi Mizoram Baptist Kohhran-ah hun pawimawh tak, Area Baptist Council (ABC) Inkhawmpui neih lai a nih avangin BCM hotute pawh helamah hian an kal deuh vek dawn a. Inkhawmpui neihna hmun hrang hrangah Rorel leh Ordination te an telpuii dawn a ni. Kan hriat theih chinah heng a hnuaai tarlante hi BCM hotute Programme a ni:-

President
BCM President Rev. Lalbiaksanga Chinzah chuan  Lunglei East ABC Inkhawmpui, Zobawk-ah a hmanpui ang.

 

President Elect
BCM President Elect Rev. Pc Liandula chuan  October 26-28 a neih tur Lunglei North ABC Inkhawmpui, Mualthuam N-ah a hmanpui ang.

 

General Secretary:
Rev. F. Ramdinmawia, General Secretary chu  Baptist Theological Education Committee-ah kalin nimin khan an chhuak a, vawiin October 25 hian Committee an nei mek. Committee an neih zawh hian haw lovin Aizawl East ABC Inkhawmpui, Thuampui-ah a hmanpui nghal ang.

 

 AGS i/c Mission:

Rev. Dr. C. Vanlaldika, AGS i/c Mission chu Ziro-ah October 19-21 chhûng khan Apatani Baptist Association Silver Jubilee a hmanpui zawhah Aizawl-ah chamin Baptist Theological Education Committee-ah a tel nghal a, hemi zawh hian Tutthlang ABC inkhâwmpui Mamit-a neih tur chu a hmanpui nghal ang.

 

AGS i/c Service
Rev. R. Zohmingliana, AGS i/c Service chuan  Lunglei West ABC Inkhawmpui Rorel a hmanpui ang a, Pathianni-ah Lunglei North ABC Inkhawmpui Mualthuam N-ah a hmang thung ang.

 

Executive Secretary, Aizawl

Rev.Dr.K.Lalrinthanga,Executive Secretary chu Apatani Baptist Association Silver Jubilee hmanpui hnu-in tunkara ABC Inkhawmpui Aizawl West leh Aizawl East ABC te a hmanpui ang.

 

 Mission Coordinator:

Ramchhung Mission-a Mission School thenkhat te tlawhin tunkar tir khan khawthlang lamah a kal a, nimin khan dam takin a lo let leh. Tun Weekend-ah Lunglei North ABC Inkhawmpui Mualthuam-ah palaiin a kal ang

 

 Pastoral Co-ordinator:

October 19-21 chhûng khan Khawruhlian Pastor Bial huap Church Expansion tih thupui hmangin BCM Pehlâwnaha hmanpui a, Weekend-ah Lunglei East ABC Inkhawmpui neihna  Zobawk-ah a kal ang.

 

Director FOD & BCM Choir

Rev. KV Thanga, Director, FOD chu Arunachal Far East Field ABCC Youth Inkhawmpui (Arunachal pum huap thalai khawmpui) October 18-21, 2018-a Roing-ah Speaker niin, BCM choir te nen an kal a, tluang takin an lo thleng. ABC Inkhawmpui a hmang leh nghal ang.

 

Organiser, MTKP

October 25-28, 2018 chhûnga Synod Camping Centre, Aizâwla neih tûr Evangelical Nurses’ Fellowship (ENF) Mizoram buatsaih camping-ah speaker a ni ang. He camping hi Mizorama Nursing School leh Health Worker zirna hmuna zirlaite tâna buatsaih a ni a. Camper mi 200 aṭanga 300 beisei a ni. Hemi zawh hian November 1-4, 2018 chhunga neih tur BCM Missionary Conference, Electricveng, Lunglei-ah Speaker a ni ang.

 

Organiser, Social Concern Dept.

 Karleh Inrinni khian Hnahthial ABC Inkhawmpui, Hnahthial Bazar-a neih turah Inrinni chhun ABC rorel hlana Thalaite pual Programme-ah Programme-ah Debb Whibrew (Engi), BMS Volunteer Missionary (Former BMS Action Team) nen Resource Person-in an kal ang.

 

Debz Whibrew
BMS Volunteer Missionary

 

Posted in BCM News.

admin