BCM hotute Programme thenkhat

Kan hriat theih chinah heng a hnuaia tarlan BCM hotute hian tunkar chhungin hetiang hian progamme an nei ang:-

President
BCM President Rev. Lalbiaksanga Chinzah chu tunkar Pathianni, October 21 hmang hian Aizawl-ah a phei ang a, Pathianni zing-ah Luangmual Kohhranah NEICC Day of Prayer Programme hmangin thuchah a sawi ang.

 

General Secretary:
Rev. F. Ramdinmawia, General Secretary chu  Shillong Biak In sak lai enpui tur leh thil tul dang te ti turin October 16 khan a kal.

 

 AGS i/c Mission:

Issue hmasaa kan târlan tawh angin Rev. Dr. C. Vanlaldika, AGS i/c Mission chu Ziro-ah October 19-21 chhûng hian Apatani Baptist Association Silver Jubilee hmanpui turin a kal a. He programme zawhah hian Tutthlang ABC inkhâwmpui BCM Mamita neih tur chu a hmanpui nghal ang.

 

Executive Secretary, Aizawl

Apatani Baptist Association Silver Jubilee hmanpui tur hian Ziro Valley-a rawngbâwlna lo tan hmasatu Rev.Dr.K.Lalrinthanga te nupa pawh an kal bawk.

 

 Pastoral Co-ordinator:

October 19-21 chhûng hian Khawruhlian Pastor Bial huap Church Expansion tih thupui hmangin BCM Pehlâwnah hun hman a ni. He hun hmanpui hian Hqrs atangin Rev.V. Vanlalchhunga, Pastoral Co-ordinator chu a kal ang.

 

 

Director FOD & BCM Choir

Rev. KV Thanga, Director, FOD chu Arunachal Far East Field ABCC Youth Inkhawmpui (Arunachal pum huap thalai khawmpui) October 18-21, 2018-a Roing-a neih mekah Speaker niin, BCM choir ten he Inkhawmpui hi an hmanpui bawk.

 

Organiser, MTKP

Rev.Lianchhunga Khiangte, Organiser MTKP chu tun Weekend vek hian Mission Vengthlang Bial ṬKP Inkhawmpuiah Speaker turin a kal ang. Inkhawmpui hi Inrinni atanga Pathianni zan thleng an nei dawn a ni.

 

Organiser, Social Concern Dept.

Rev.K.Lalbiakenga, Organiser PAC, Social Concern Dept chu tun Pathianni hian Chanmari Kohhranah hun a hmang dawn a, Social Concern Campaign a nei ang. Tin Karleh Inrinni khian Hnahthial ABC Inkhawmpui-ah Thalaite pual Programme-in Social Concern – Programme-ah Resource Person a ni ang.

 

 

 

 

 

 

Posted in BCM News.

admin