BCM Hruaitute Programme

President leh General Secretary

Mizoram Baptist Kohhran President Rev. H. Lianngia leh General Secretary Rev. F. Ramdinmawia te, Global Chin Christian Federation Conference, Melboune-a kal chu dam takin Mizoram an rawn thleng leh ta a. President hian Lunglei lo thleng tawhin, October 21-22 khan Champhai Kahrawt veng Kohhran Silver Jubilee a hmanpui nghal a, BCM Choir leh Pro.Pastor Lalhruaitluanga Chawngthu ten an tawiawm a ni. Tunah hian a enkawl lai Bazar Bialah rawngbawlna a neih chhunzawm leh tawh a, naktuk atanga tan tur Lunglei West Area Baptist Council (ABC) Inkhawmpui, Venglaia neih neih tur a hmanpui ang.

Hetihlai hian General Secretary, Rev. F. Ramdinmawia chu Meblboune atanga a lo hawn hnu-in West Bengal Field Inkhawmpui leh Silver Jubilee October 21-22 khan a hmanpui a, Shillongah rawn riak chhovin Aizawlah Board of Theological Education Meeting, AICS-ah a rawn telpui leh a, vawiin hian Headquarters, Serkawn ranw thleng tura beisei a ni. General Secretary hian Lunglei North ABC Inkhawmpui, Haulawng-ah a hmanpui leh nghal ang.

AGS Mission 

Rev. Dr. C. Vanlaldika, Associate General Secretary i/c  Mission chu Champhai Kahrawtveng Kohhran Silver Jubilee October 21-22 a hmanpui hnu-ah nimina AICS-ah Board of Theological Education Meeting hmanpuiin Aizawl-ah a cham leh a, vawiin hian headquarters lo thleng leh tura beisei a ni. Naktuk atangin ABC Inkhawmpui a hmang leh nghal ang.

MTKP Team Mumbai-ah:

Baptist Youth Fellowship of India(BYFI) buatsaih, National Baptist Youth Leader’s Summit-2017 Mumbai khawpuia neih mekah Mizoram Thalai Kristian Pawl aiawh MTKP Zaipawl member 25 leh MTKP Organiser Rev. Lianchhunga Khiangte te an thang mek a, Rev. KV Thanga, FOD Director leh Rev. Samuel Lalremsnga, BYFI Adviser te pawh programme-ah chanvo neiin an kal bawk. He Leaders’ Summit hmang tur hian India ram hmun hrang hrang atangin Baptist Thalai pawl hrang hrang aiawh mi 150 dawn an tel a ni. Facilitator 5 awmin topic hrang hrang zirhona an nei ang. MTKP Organiser Rev. Lianchhunga Khiangte hi BFYI-ah hian Secretary ni mek lai a ni a. Rev. Samuel Lalremsanga pawh BYFI-ah adviser leh outgoing Secretary a nih angin a tel bawk.

AGS leh Organiser. Social Concern

Rev. R. Zohmingliana, AGS i/c Service leh Rev. K. Lalbiakenga, Organiser Social Concern Department chu Serchhip ABC Inkhawmpui, Rawipui-ah an kal a. ABC Progamme an hmanpui bakah, Inrinni chhun, ABC Rorel hlanin Social Concern Awareness programme hi thalaite pualin an hmanpui dawn a ni.
 

Finance Director Kolkata ah

Rev. Lalramngheta Chhangte, BCm Finance Director chu tunkar Nilaini-a chhuakin AICS-ah e-Finance chungchang zirtirna leh BTE Meeting te a hmanpui zawh-ah Kolkata lamah chhuk lehin Income tax lam hotute a hmu ang a, FCRA leh accounts kalphung te a titipui dawn a ni.
Posted in BCM News.

Leave a Reply

Your email address will not be published. Required fields are marked *