BCM huapin Covid-19 puala tawngtaina neih a ni dawn

Mizoram Baptist Kohhran, Administrative Committee -in kan ramah Covid-19 hripui leng a lo ziaawm a, a lo reh thuai theih nan June thla chhung hian Tawngtai beihpui neih ni se an ti a rel bawhzuiin, June thla chhung hian Inrinni apiangin zan dar 8:00 ah BCM chhung tin  ten Covid-19 pualin tawngtaina neih a ni dawn a. He Programme hi June 5, June12, ni 19 leh ni 26 ah te zan dar 8:00 apiangin neih thin a ni ang.

He tawngtai beihpui atan hian tawngtai subject 10 siamsa a ni a, hei hi  Tualchhung Kohhran tinah thawn chhuah a ni a, Kohhran hote leh chhungtin ten ngaipawimawha hmang theuh turin Headquarters chuan a chah nawn leh a ni.