BCM kalphung rawn zir

BCM Visitors: DLBCA Leaders with Missionary

Aruncachal Pradesh, Dibang Lohit Baptist Church Council (DLBCA) hruaitu mi panga te chuan kar hmasa, May 1-5 chhung khan Mizoram Baptist Kohhran kalphung leh inenkawl dan te rawn zirchiang turin Lunglei an rawn kal a. Heng Kohhran hruaitu te hi BCM Missionary, HC. Lalramhnêma, Arunchal Far-East Field in a rawn hruai a, an kal man leh thlenna zawng zawng hi Bazar Pastor Bial-in an tum sak a ni.
DLBCA hruaitu lo kalte chu hengte hi an ni:

1. Sundor Langkam – Circle Pastor, Roing Pastorate Circle, DLBCA.
2. Tamar Boje – Youth Secretary, DLBCA Headquarters.
3. Maklek Gogoi – Secretary, Baptist Church Parbuk, DLBCA.
4. Sanjip Singh – Treasurer, SDBA Headquarters.
5. Rahim Sagar – Mission Secretary, SDBA Hqrs. Mission Department.

May ni 5 Pathian ni khan Bazar Bial chhûnga Tualchhûng Kohhrante tlawhin hun an hmang a, May ni 6 zingah Lunglei atangin hlim takin an haw leh ta. BCM inenkawl dan leh kalphung te chu a theih chin chinah entawna, hman ve an tum thu leh Mizorama an lo kal chhunga Kohhran hoten an lo dawnsawn danah te an lawm hle.  An châm chhûngin Bazar Bial Kohran hruaituten an tawiawm tha hle.

BCM Visitors: DLBCA Leaders

Posted in BCM News.

admin

Leave a Reply