BCM leh Galo Baptist Union(GBU) thawhhona kum 25 tlin champha (Silver Jubillee)  lawm a ni.

Galo Baptist Union (GBU) leh Baptist Church of Mizoram (BCM) te rawngbawl dunna leh thawhhona kum 25 tlin champha (Silver Jubilee) chu February 3-6, 2021 chhung khan Tirbin Mission centre ah ropui taka  lawm a ni.

He Jubilee hmanpui hian BCM aṭangin President Elect Rev Dr. V. Laldingliana leh Rev F Sangvela,  Regional Director Rev K. Lalnunsanga ten an hmanpui a, missionary lo awm tawh aṭangin Pu K. Lalchungnunga te nupa leh Pu Zothanpuia ten an telpui bawk.

1996 ah Pira khua ah BCM leh GBU ten thawh hona thuthlung an ziak a, Rev V.L.Zawnga President, Rev H.Chalbuanga AGS Mission Rev V Laldingliana FD ten BCM aiawh in thawh hona thuthlung an ziak ani.

1997 ah Missionary hmasa ber Pu ZD Lalzarzova leh Pu H.Lalsangvunga ten Tirbin an thleng a, 1998 ah Field Director turin Rev B Lalrinawma a lut bawk. Hetih hun lai hian Adi Galo field tih a ni.  2002 aṭangin field siksawi niin Arunachal East Field tih ani a, vawiin thlengin East field hnuai ah an awm ani.

GBU ah hian BCM te thawh tirh in kohhran 18 awmin member 1000 awrh an awm a, kum 25 kan thawh hnu ah kohhran 34 niin member pawh 4500 lai an tling ve tawh a ni.

Church Planting, music, skill trainning te hi kan hmalakna pui ber ani mek. Tunah hian missionary 2 leh tailoring instructress 1 awmin hma kan la mek ani.