BCM News

Sunday School Programme hmun 2-ah hmang dawn:

Christian Education Department chuan June 1-2, 2013 hian Pastor bial pahnihah Sunday School Training/Seminar an nei dawn a. Chawngte Pastor bial Shalom, Kohhran-ah Christian education Department Director, Rev. V. Vanlalchhunga kalin Lungrang Pastor bial, Rualalung Kohhranah Sunday School Promoter, Pi H. Lalkimi te an kal ang. Rev.Vanlalchhunga hian Communication Campaign a kawp bawk ang.

Worship Seminar & Musical Meet:

Tunkar Inrinni leh Pathianni (June 1-2, 2013) hmang hian (Lunglei) Zotlang Pastor bial chuan Pukpui Biak inah Worship Seminar & Musical Meet an buatsaih dawn a. Resource person leh Speaker atan Rev.Dr.K. Thanzauva an hmang ang.

Fakna Rimawi Kutpui:

Tunkar Inrinni leh Pathianni hmang vek hian Mission Vengthlang Pastor bial chuan Bial Worship & Music Committee buatsaihin Shalom Biak inah ‘Fak tlak Pathian’ thupui hmangin Fakna Rimawi kutpui an nei dawn a. Speaker atan Rev.R. Lalbiakliana, MTKP President a ni ang.

Social Concern Seminar & Crusade:

Hnahthial Electric Kohhran chuan naktuk May 31-June 2, 2013 hian Rev. Lianchhunga Khiangte, Organiser, PG&PAC chuan Crusade leh Seminar a neihpui dawn a. Inrinni nilengin Social Concern Seminar an nei ang a, a bak zawng chu Crusade nan an hmang ang.

AICS tan leh dawn ta:

Thla khat zet an chawlh hnuin AICS-a Class hrang hrang-BD, M.Div. Missionary Traning etc. chuan Class an tan leh dawn ta a. June 5, 2013 hian thlengkim vek tura hriattir an ni.

Nupa tuak 31 Innei tha:

(Late News) May 12, 2013 khan Parva Pastor bial Parva Silo Biak inah bialtu pastor, Rev. Malsawmzuala chuan nupa tuak 31 innei thate a invawn that tir.

Tawipui Bial TKP Diamond Jubilee:

Tawipui Bial TKP chuan an din champha kum 60-na, Diamond Jubilee June 11, 2013 hian an lawm dawn a. Pathian faka zaihona nilengin neih an tum. He hun hmanpui tur hian he biala lo awm tawh TKP member zawng zawng telpui turin an sawm.

Evangelist-te Rawngbawlna:

Kraws Thupuangtu team (Speaker: Evan Lalengmawia Sailo) te chuan Lawngtlai East bial huapin Ruihhlo ngaite leh zuartute pualin June 4, 2013 atangin Camping an nei dawn. 

Gospel For All team (Speaker:Upa F. Lalnuntluanga) te chuan Tuipui D-ah Camping an la nei chhunzawm zel a.

Mizoram Evangelical Ministry (Speaker :Upa R.L.Thianghlima) te’n Cherhlun Bethlehem Kohhranah camping an la nei zel bawk.