BCM Office-a thu tur Administrative Officer an ruat fel

                           Pu Lalruatkima 

November 28-a BCM Assembly Nomination Committee Meeting vawi 130-na chu Sap Upa leh Pu Buanga Hall, Serkawn-a thukhawm chuan Assembly2020 thupui atan “Din thar lehna” tih chu thlang felin, Assembly Programme tlangpui an siam bawk. Inkhawm hruaitu, Thuchah sawitu, Bible study kaihruaitu leh Lalpa Zanriah buatsaihtu tur te an thlang fel nghal bawk.

Pay Commission 2018-in ruahmanna a lo siam, Assembly 2019-in a pawmpui angin BCM Office enkawltu tur Administrative Officer dah ni se tih bawhzuiin, Administrative Officer tur lo zawng tura Search committee-in rawtna an siam atangin Nomination Committee chuan Pu Lalruatkima, Durtlang, Aizawl chu a thlang ta a ni. Pu Lalruatkima hi Mission Department mi niin, tunah hian Senate of Serampore-ah  Promotional Secretary a thawk mek a, a hna thar hi January 7, 2020-ah a hna hi rawn chhunzawm tura tih a ni.