BCM Office Hawng leh ta, Naktukah Inhlanthar Ni hmang dawn

BCM Hqrs. Office, Serkawn

Vawiin, January 7, 2020 (Thawhlehni) hian Mizoram Baptist Kohhran chuan Office hawng-in hna an tan leh ta. BCM thawktu hmun hrang hranga Christmas leh Kumthar hmanga zin chhuak te leh mahni hmun lama hawte pawhin Office kaini hmasa ber hi ngaipawimawhin an haw kim hle.

Office kai tanni-ah hian Headquarters Office bakah Executive Secretary Office, Aizawl leh Lawngtlai te leh Department hrang hrang ten an Office hi hawngin hna pangngai an chhunzawm bawk.

Naktuk, Januray 8, 2019 (Nilaini) hian BCM-a thawktu te chuan Inhlantharna Ni atan an hmang dawn a. Headquarters Area РLunglei chuan BCM Office-ah an hmang ang.  Aizawl Area leh Lawngtlai Area te pawhin hemi ni vek hian Inhlantharna Programme hi hmangin Mission Field hrang hranga thawktute pawhin an remchan angin Field Headquarters-ah te Inhlantharna hun hi an hmang bawk dawn a ni.

Headquarters Area-Lunglei-ah chuan BCM Office, Hall thar-ah hun hman tur a ni ang a, Chawhnu dar 12:45-ah Refreshment neih hmasak niin dar 1:30 p.m ah Programme tan a ni ang. Upa Biakchungnunga, Office Superintendent-in Inkhawm a kaihruai ang. Rev. F. Ramdinmawia, General Secretary-in Thawktute lawmna leh chibaibukna a sawi ang a, Rev. Pc. Liandula, BCM President-in Inhlantharna kaihruaiin  Thuchah a sawi bakah Rev. Dr. C. Vanlaldika, AGS-Mission-in thu a sawi bawk ang. He hunah hian Nl. Lalruatfeli (DCO) chu zai tura ruat a ni bawk.