BCM Office khar chhunzawm a ni dawn.

Covid-19 hrileng avanga Mizoram Sorkarin Total Lockdown a puan leh tak avangin Mizoram Baptist Kohhran hnuaia Department hrang hrang Office chu May  17-21, 2021 (Monday-Friday) chhung khar chhunzawm rih a ni dawn.

He thu hi BCM Administrative Committee Meeting May 8, 2021-in BCM office kal zel dan tur BCM Puipate ngaihtuah tura a lo dah tawh ang leh May 14, 2021 BCM Puipate inrawnkhawm thu chhuak angin BCM General Secretary Rev. F. Ramdinmawia chuan  hetiang hian hriattirna a ti chhuak a ni.

…………..

OFFICE CIRCULAR
(BCM Office khar chhunzawmna)

BCM/CEN/ADM/2021/067                                                         14.05.2021

Covid 19 hripui lo darh zel venna tura Mizoram sawrkar May 14, 2021 thuchhuakin Mizoram pumah Total Lockdown May 17, 2021 zing dar 4:00 a.m atanga May 24, 2021 zing dar 4:00 a.m thleng neih chhunzawm tura a rel angin leh BCM Administrative Committee Meeting May 8, 2021-in BCM office kal zel dan tur BCM Puipate ngaihtuah tura a lo dah tawh angin May 14, 2021 BCM Puipate inrawnkhawm chuan a hnuaia tarlan ang hian BCM office khar chhunzawm a rel.

(a)  May 17 – 21, 2021 (Monday – Friday) chhungin Mizoram chhunga BCM Office-te khar chhunzawm a ni

(b) Office khar hian Christian Hospital Serkawn, Christian Hospital Lawngtlai, Baptist Church Orphanage leh Baptist Chhawmdawlna In-te chu huam lo a, office an kalpui zel dan tur chu an mahni office theuha hotute ruahmanna angin a kal ang.

(c) Mizoram sawrkarin kohhran hna tul zual bik atana office kai a remtih angin, hna hmanhmawh thlak leh pawimawh zual a awm chuan hna thawktute office kai tura koh theih an ni

(d) Office hna tul leh hmanhmawh thilah email leh phone kaltlanga office dawr theih reng a ni e.

(e) May 24, 2021 leh a hnu lama office kal zel dan tur chu Mizoram sawrkar thuchhuak ngaichangin la inhriattir leh a ni ang.

Sd/- (REV.F.RAMDINMAWIA)
Genral Secretary,
Baptist Church of Mizoram

Download : Office Circular.PDF