BCM Planning Commission 2020
Vawiin, May 29,2019 chawhma dar 11:00- khan BCM Committee Hall, Serkawn-ah BCM Planning Commission 2020 chu a hmasa ber atan an thukhawm a. He Planning Commission hian kum 2020 hnu lama Mizoram Baptist Kohhran kalphung tur leh hmalak dan tur te thlirin ruahmanna an siam dawn a ni. Planning Commission-2020 ah hian member 16 awmin tun tum meetingah hian member 15 an tel thei a ni.
Meeting hi General Secretary, Rev. F. Ramdinmawia’n a kaihruaia, Thufingte 16:1 chhiarin Pathian Ram a lo zauva, a loh ngheh a, a lo lanfiah deuh deuh theihna turin rawngbawlna kawng hrang hrangah ruahmanna tha neih a tul zia a sawi a, Pathian hnena lawmthu sawina leh inhlanna neiin a tawngtai bawk.
Meeting hmasa ber a nih angin member ten an rilrua awm te in share tawnna an neih hnu-ah mawhphurna hrang hrang inruatin chung mawhphurhna an in pekte chu ngun taka lo zir chiang a, chumi atanga ruahmanna te siam chho turin hmachhawp-ah an dah a. Sector hlawm lian pathum – Central, Service leh Mission te lo zir bing turin member te chan an in sem a, Central-ah General Secretary Rev. F. Ramdinmawia Convener niin member 5 an awm a, Service-ah Rev. R. Lalbiakliana, AGS i/c Service Convener niin member 5 bawk an awm a, Mission-ah Rev. Dr. C. Vanlaldika, AGS i/c Mission chu Convener-niin member 6 an awm thung.
BCM Planning Commission-2020 member te:-
- Rev. F. Ramdinmawia
- Rev. PC. Liandula
- Rev. Dr. C. Vanlaldika
- Rev. R. Lalbiakliana
- Rev. Dr. R. Lalthanmawia
- Rev. R. Lalnunzira
- Rev. Lalbiaksanga Chinzah
- Rev. H. Lianngaia
- Rev.Dr.K.Lalrinthanga
- Upa C. Lalnunnema
- Upa Lallawmsanga
- Upa K. Lalsangluaia
- Upa R. Lawmzuala
- Upa Thanchhunga Fanai
- Upa V. Denghlira
- Upa V. Lalrinmawia
