BCM President Elect ah Rev.Pc Liandula

Mizoram Baptist Kohhran Rorelna Sang ber, BCM Assembly vawi 122-na March 7-11, 2018 chhunga  Mizoram Baptist Biak In, Zotlang, Lunglei-a neih chu tluang takin an tiak ta. Tarlan tawh ang khan kumin Assembly thupui chu “I ram lo thleng rawh se”, tih a ni a, mi hrang hrangin thuchah an sawi a, Inkhawm boruak a thain thuchah sawitu ten an sawi tha thei hle. Pathianni Chawhma Inkhawmah Ordination Service neih a ni a, Pastor 5 nemngheh an ni bawk.

March 8, 2017 (Ningani) zing dar 9:30 khan Rorel Inkhawm tan a ni a. Rorel inkhawm hi  Rev. H. Liannngaia, President-in kaihruaiin Devotion hun hman zawhah BCM President Elect Rev Lalbiaksanga Chinzah hnenah President  charge hlanin Rorelna dawhkan a kian a. BCM President thar hian Rorel a kaihruai nghal a ni. Assembly Rorel palai inreport zat chu 1029 an ni.

Hun hmasa lamah President Elect thlanna neih a ni a. Rev. Pc Liandula chu President Elect atan lungrual taka thlan tlin a ni a, BCM Constitution-in a sawi angin kum 2018-2019 chhung President Elect  niin, 2018-2019-ah BCM President a ni zui dawn a ni.

General Secretary report atanga a lan danin Tun dinhmunah Mizoram Baptist Kohhran-ah Area Bapotist Council 15, Pastor Bial 85, Tualchhung Kohhran 677 an awm mek a. Kohhran member zawng zawng 173,988  niin, Chhungkua 36,111 an awm bawk. BCM hnuaia Minister (Pastor) Active Service – 140 an awm a, Probationary Pastor – 19, Kohhran Upa-3174 leh Rawngbawltu – 4216 an awm mek a ni.

Related Articles:
Assembly Agenda & reports
Assembly 2018 Minute