BCM R & D leh Zonet-JB tangkawpin Christmas thilpek an sem:

December 15, 2020 (Thawhlehni) khan Mizoram Baptist Kohhran, Relief & Development Department te leh Zonet JB te tang kawp chuan mi harsa tanpui ngai te tan christmas thilpek hlanin hun an hmang a, Lunglei khaw chhung leh khaw pawn a, damlo leh chhungkua tanpui ngai chhungkaw 37 thlan chuahte hnenah ah cheng 5,000 theuh an hlan a ni.

Thilpek hlanna inkhawm hi BCM R&D Hall, Ramzotlang, Serkawn-ah hman a ni a, he Programme hi Pu Lalrinawma, Director R&D in a  kaihruai a, Programme an buatsaih dan te a sawi hnu-ah, Program coordinator in Beneficiary te thlanchhuah an nih dan leh tanpui thei tura Zonet JB ten Rs.100, 000( Cheng Nuaikhat) a hlan thu leh a bak chu BCM Charity atanga sem a nih thu a  sawi.

Rev. R.Lalbiakliana, Associate General Secretary – Service chuan Lunglei town area atanga a dawngtu chhungkaw 13 te hnenah tanpuina hi a hlan a , AGS hian tanpuina a sem zawh-ah thuchah tawi sawiin,  Tanpuingaite puih hi Kristiante tihtur, kan mawhphurhna a nih thu te, sawiin, he rawngbawlna pawimawh zia hria a,  Zonet JB chhungkua a lo pen chhuaka, tanpuina sum an rawn thawh chu lawmawm a tih thu sawiin, an rawngbawl zelna turah duhsakna a hlan bawk. inpekna ah lawmthu a sawi a, Tawngtaina-in  inkhawm a khar a ni.

Tun tuma Christmas thilpek dawngtu chhungkua te hi  Natna avanga enkawl ngai leh eitur thawk chhuak tura harsatna tawk chhunhkua te an ni a, Tuna mi 13 te bakah hian Bialtu Pastor  leh Kohrhan hruaitute Kaltlangin Lunglei Khaw pawn chhungkaw 24 te hnenah Krismas thilpek hi hlan an ni bawk.

BCM Relief & Development department hian Khuarel leh mihring siam thenkhat a vanga chhiatna a thlenin a tuar tu te tan chhawmdawlna leh tanpuina a pe thin a. Kumin ah pawh Rial leh thli avang a chhiatna tawk te, Lirnghing avanga harsatna tuar tute, Covid 19 avanga hna thawk theilo harsa te, Covid 19 avanga  Border area a tlawmngaia duty te hnenah te tanpui nan Pawisafai bakah – Buhfai, Dal, Alu, Tel, Thosilen, Sylpouline  leh thildang engemawzat a lo sem tawh bawk.