BCM Ramzotlang-in Myanmar Raltlante Chhawmdawl nan cheng nuai 2 an hlan.

October 20, Nilaini khan BCM Ramzotlang, Serkawn te chuan Sangau leh a chhehvel a Myanmar raltlante chhawmdawlna atan cheng nuai hnih YLA Sub-Headquarters Sangau hnenah an hlan a. Thilpek hlan tur hian Ramzotlang kohhran hruaitu te hi Sangau ah kal in, thilpek hlanna hi Phawngpui North Bialtu Pastor quarters ah neih a ni.

BCM Ramzotlang aiawhin Kohhran Chairman Upa C. Laltlansanga’n YLA Sub-Headquarters President, Pu Lalduhliama hnenah raltlante chhawmdawlna tur pawisa fai cheng nuai 2 hi a hlan a ni.

Hei bak ah hian Ramzotlang kohhran te hian Phawngpui North Pastor Bial hruaitu te hnenah Raltlan buaipuina a tul apianga hman atan Rs. 41,100 an hlan a, Myanmar sipai ten an kah hlum tak Pastor Chung Biak Hum nupui fanau te Sangau khua-a raltlana awm mek te hnen ah ralna Rs. 10000 an hlan nghal bawk.