BCM R&D Department Committee-in, Steering Committee For Myanmar te Cheng Nuai khata tanpui a remti.

Tunkar Thawhlehni, November 16, 2021 khan Relief & Development Department Committee Meeting, Sap Upa leh Pu Buanga Hall, Serkawn-ah neih a ni a. Meeting-ah hian Kum 2022-2023 atana Relief & Development Department Plan leh Budget ruahman te thlirin, thu hmanhmawh thlak thenkhat an thir bawk.

Thurel zingah Lunglei District chhungah NGO 16 insuihkhawm – Steering Committee for Myanmar te chuan Lunglei District-a Raltlan an pun chhoh tak zel avangin, Charity Concert buatsaih an tum a, BCM Relief & Development Department te hemi atan hma la ve tura an ngenna chu ngaihtuahin hemi atan hian Rs. 1,00,000 (Nuai khat)-a tanpui ni se an ti.

Kum 2022-2023 a BCM R&D Department Budget ruahman cheng nuai 107, sing 6 leh sang 2 chu Finance Committee-ah thlen chhoh remtih a ni a. Budget 2022-2023 budget ruahman  kum hmasa budget 2021-2022 aia a sanna chu cheng nuai 8, sing 9 leh sang 5 niin, za zeal 9.07 a ni a. Hemi atang hian Assembly tum tur punna chu za zel ah 4.48% a ni ang.