BCM R&D-in Covid-19 dolet nan Myanmar leh Bangladesh Border-a duty te tanpuina a pe.

Mizoram Baptist Kohhran, Relief and Development Department chuan May 29, 2020 (Zirtawpni) khan Tlabunga Bangladesh border-a duty VLTF te tan Rs. 10,000 bakah Thosilen 8, Silpouline 4,  Thosi hlo bur 10 an hlan. R&D Staff te chu heng thilpek hlan hian vawiin khan  Tlabung-ah langin an  kal a ni.

BCM R&D hian May 27, 2020 khan Cherhlun leh Thingsai huam chhunga Myanmar Border area a duty VLTF te tanpui nan Rs. 20,000, Silpouline 7, Thosilen 15 leh Thosi hlo bur 10 chu Bialtu pastor leh upa te kaltlangin an lo hlan tawh bawk a ni.

Heng thilpek hlan hian Upa. K. Lianhmingthanga (R&D Commitee member) hovin Dept staff thenkhat te a hmunah kalin an hlan a ni.