BCM thawktuten Dr.Lalzarmawii an ral

Dr Lalzarmawii ralna programme

Vawiin, February 24, 2020 (Thawhtanni) chawhnu dar 2:00 khan Mizoram Baptist Kohhran hnuaia thawktu inzawmkhawm, BCM Workers’ Condolence Scheme (WCS) chuan an member pui, Dr. Lalzarmawii, Senior Medical Officer, Christian Hospital Serkawn, February 8, 2020 zan dar 10:00-a Chatuan ram pan ta chu a chenna in-ah an ral.

Ralna Inkhawm hi Dr. LH Lalrammawia’n a kaihruai a. Upa Biakchungnunga, WCS Secrcetary-in BCM WCS chungchang thil pawimawh leh report tlangpui a pe a, Nl. Lalramliani’n BCM WCS hmingin ralna thilpek  Dr. Lalzarmawiin pasal Pu Benjamin Lalhmingliana hnenah a hlan bawk. Rev. L. Vanlalsanga’n Dr. Zari rawng bawlna avanga lawmthusawina leh a kalsan a chhungte tana tawngtaisakna a nei a, Chhungkaw aiawh thusawi bakah Rev. R. Lalbiakliana’n thuchah tawi  sawiin, Rev. Samuel Lalremsanga’n Malsawm tawngtaina-in programme a khar a ni. 

Dr Zai ralna programme

Kan rawn tarlan tawh ang khan Dr. Lalzarmawii hi Cancer natna avangin February 8, 2020 zan dar 10:00 khan Ebenezer Hospital, Aizawlah a boral a. A ruang hi Serkawn-a an chenna Quarters-ah phurh haw niin, February 9, chhun dar 12:00-ah vui a ni a, tlai dar 6:00 ah Serkawn thlanmualah ropui taka thlah liam a ni.

Read More Stories : Dr. Lalzarmawii