BCM Thawktute’n Inhlan tharna nei dawn

Inhlanthar Ni 2017

January 5, 2018 (Zirtawpni) khan Mizoram Baptist Kohhrana thawktute chuan Office hawng-in hna an tan leh ta. BCM thawktu hmun hrang hrang Christmas leh Kumthar hmanga fehchhuak te leh mahni hmuna haw te pawh-in Office kaini hmasa ber hi ngaipawimawhin an haw kim hle. Office kai tanni-ah hian Headquarters Office bakah Executive Secretary Office, Aizawl leh Lawngtlai te leh Department hrang hrang ten an Office hi hawngin hna pangngai an chhunzawm a ni.

Tarlan tawh ang khan January 8, 2018 (Thawhtanni) chhun dar 12:00 ah BCM Tawhktute Inhlanthar Ni hman a ni leh dawn a. He hunah hian Mizoram Baptist Kohhran hnauaia thawktu zawng zawng te chuan anmani khaikhawmtu Area/Field/Institution khaikhawmtu ruahmanna angin hun an hmang ang.

Lunglei Khawpui chhunga BCM thawktute chuan Serkawn Biak Ina-ah a huhovin Inhlantharna Programramme hi an hmang leh ang a. Aizawl leh Lawngtlai-a thawktute pawhin a huhovin an hmang bawk ang. Mission Field leh heng kan tarlan ten a huam loh Pastor Bial neite leh Institution te chuan anmahni remchan angin an hmang dawn a ni.BCM Headquarters, Lunglei khawpui chhunga awm te chuan Serkawn Biak Inah hun hmangin, Dar 12:00-12:30 chhung Refreshment an neih hnu-ah 12:30 atangin Inhlantharna Inkhawm hi neih nghal a ni ang a. Rev. R. Zohmingliana, AGS i/c Service-in Inkhawm  kaihruai ang a, Office Superintendent, Upa Biakchungnunga’n Department hminglamna a nei ang. Rev. H. Lianngia, BCM President-in thuchah a sawi bakah General Secretary, Rev. F. Ramdinmawia’n Thu a sawi bawk ang. Hemi ni-a refreshment hi HATIM lamin an buatsaih dawn a ni.

2017 Thawktute inhlanthlar Ni-ah BHSS Jr . Zirtirtute thiam takin an zai

Posted in BCM News.

Leave a Reply

Your email address will not be published. Required fields are marked *