BCM Worship & Music Department thu thar

BCM Choir leh Aizawl leh Lawngtlai Area Baptist Choir te combine music video siam Tunkar nilaini, May 27 khan Mizoram Baptist Kohhran, Worship & Music Committee Meeting, Sap Upa leh Pu Buanga Hall, Serkawn-ah neih a ni a. He Meeting hi Chairman Rev. F. Ramdinmawia, General Secretary-in a kaihruai a, report tlangpui a pe bawk. An thu rel langsar zingah

‘Hnahthial Distric huap, Bial zaipawl Meet neih ni se’ tih 2019-a rel fel tawh, 2020-2021 chhunga tihhlawhtlin tura dah chu tihhlawhtlin tha tih a ni a, hemi thu lo bawhzuia hma lo la turin Worship & Music Department Director chu ruat a ni. 

Siaha khawpui huap a Praise & Worship Programme  neih  tura ruahman tawh chu tihhlawhtlin ni se, hma lo la turin worship and Music Director ruat a ni.

BCM Choir leh Aizawl leh Lawngtlai Area Baptist Choir te combine music video siam tura ruahmanna chu Worship & Music Director kaihhruaina hnuaiah Zaipawl pathum conductor te leh Director te bawhzui tura tih a ni.

Christmas Carol & Concert Lunglei khawpui ah kumin chhunga buatsaih turin rel a ni a, Organising Committee member 5 awmna siam nghal a ni.

Heng bakah hian  BCM Choir leh Area choir pahnih te ‘inkaihhruaina’ ennawn a siamthat a ni a, Kristian Hla bu a hla te sak dan in ang lo, in ang tlang tura ruahmanna thlirho a ni a.  BCM Ni Pawimawh Chanchin revise mek niin, kumin kum tawp lama hralh chhuah hman tura ruahman a ni bawk.