BCO Chanchinthar

Mizoram Baptist Kohhran, Nau Hnuchham enkawlna (Baptist Church Orphanage) thawktu mi 4 te chu tunkar chhung hian Early Childhood Care Training neiin Aizawlah an cham mek a, tin, Home study neiin BCO thawktu dang 3 pawh Marpara leh a bul hnai khua te tlawhin an zin chhuak mek bawk.

Chutih lain AICS zirlai 4 te chuan BCO-ah Practical ministry neiin November 18 atang khan an la cham chilh mek bawk.

Hetihlai hian BCO Financial Campaign Programme pawh kalpui zel a ni a. Tunkar Pathianni hian Pukpui Kohhrana BCO Manager Upa MS Danwgliana leh BCM thawktu pahnih te an kal ang a, Zohnuai East-ah Rev. Dr. Raltawnga leh thawktu pahih kalin Farmveng Kohhranah Rev. Samuel Lalremsanga leh thawktu pathum te an kal bawk ang.

Tunah hian BCM enkawl Baptist Church Orphanage-ah hian Naupang 25 enkawl mek an ni a, Central Sorkar atanga tanpuina sum an dawn thin chu a tawp rih a vangin theih ang angin mi tlawmngai leh Kohhrante tanpuina-in kalpui a ni a. Thawktu hlawh leh nitin mamawh ei leh bar a hautak hle. Hemi a nih vang hian Kohhran, Pawl leh mimal tlawmngaia tanpui duh tan englai pawhin an in hawng reng a ni.

Posted in BCM News.

admin