Beirual Live Crusade kar tawp ber hman a ni dawn.

Mizoram Baptist Kohhran, Revival & Evangelism Committee buatsaih, Live Crusade chu kar tin neih chhunzawm zel a ni a. He Live Crusade hi Inrinni zan leh Pathianni zan dar 8:00 – 9:00 ah LPS-1, Zonet-Zawlbuk leh BCM YouTube Channel – Baptist Church of Mizoram-ah te pek chhuah thin a ni.

Tunkar Inrinni leh Pathianni zanah te  Live Crusade hi neih leh a ni ang a. A hun ngai, dar 8-9 hian TV leh YouTube-ah te  pek chhuah leh a ni ang. Hun hmasa lamah Worship Team te kaihhruaina-in Pathian fakhona hun hman a ni ang a, Stacy Punte leh Tb. C Lalthangzuala ten Pathian fakna hla sa-in, Rev. F. Sangvela’n Crusade thupui – Isua zuitu rinawm tih hmangin thuchah a sawi ang.