Beirual Thuzir leh LIVE Crusade TV kaltlangin neih a ni dawn.

Karleh Nilaini, September ni 1 zan atang hian Mizoram Baptist Kohhran chuan Beirual thuzir an tan dawn ta a. Nikum ang bawkin kuminah pawh Beirual Programme, Biak Ina hmang thei lo te tan TV leh YouTube kal tlangin  mitin ten kan hman theih turin Beirual thuzir kaihhruaina pawh peih fel a ni ta a, zirlaibu-in a tarlan angin thuzir indawt ang zelin TV leh YouTube-ah pek chhuah a ni ang.

He programme hi kohhran chhungtin ten ngaipawimaha hmang theuh turin General Secretary Rev. F. Ramdinmawia chuan Kohhran hote a sawm a ni.

Kumin a Beirual thuzir tur hi ‘Isua zuitu rinawm tih niin, Rev. R. Lalrinliana ziak a ni a. Zirlaibu-a zirlai leh zir hun tarlan ang a TV leh Youtube lama en theih tura buatsaih a ni a, hetiang hian zirlai zir hun leh zirtirtu tur ruahman a ni:

Date & Day Zirlai leh thupui Thuzir Kaihruaitu
September 1 (Nilaini) 1-na : Isua hi tunge ni? Rev. R. Thanmawia
September 2   (Ningani) 2-na : Zuitlak Isua Pi PS Lalhmingthangi
September 3   (Zirtawpni) 3-na : Rinawm a ngai Rev. Sangliankhuma Chinzah
September 4   (Inrinni) 4-na : Chan ngam a ngai Rev. R. Lalthangliana
September 5   (Pathianni zing) Sermon : Tuar ngam a ngai Rev. C. Chhuntluanga
September 5   (Pathianni zan) 5-na : Kohhrana rinawmna Rev. Lalramngheta Chhangte
September 6   (Thawhtanni) 6-na : Chhungkuaa rinawmna Rev. Lalremsiama Ralte
September 7   (Thawhlehni) 7-na : Nitin nunah Upa Pc. Vanlalrova
September 8   (Nilaini) 8-na : Eizawnnaah Rev. ZD Rodingliana
September 9   (Ningani) 9-na :Malsawmna a ni Rev. L. Vanlalsanga
September 10 (Zirtawpni) 10-na: Mi rinawmte lawmman Rev. Dr. Lalzarliana

Beirual thuzir hi TV-ah LPS-12 leh Zonet-Rinna ah te zan tin dar 5:00 p.m ah tih chhuah thin a ni ang a, hemi a en hman o tan  Dar 11:00 p.m leh a tuk zing dar 5:00 leh dar 11:00 a.m ah te channel ngaiah tih chhuah nawn thin a ni ang. September 5 (Pathinni) zing dar 11:00 am hi Beirual thupui then sa hmang hian Sermon pangngai pek a ni ang.

Beirual Thuizir te zir zawh a nih hnu hian, September ni 11 atangin, Inrinni leh Pathianni apiangin dar 8 leh dar 9 inkarah, LPS1, ZONET Zawlbuk leh BCM Youtube atangin LIVE Crusade-a chhunzawm a ni ang. Speaker 3 awmin, Rev. Dr. R. Lalthanmawia, Upa. F. Laldinliana, Speaker, Sinners Friend leh Rev. F. Sangvela ten Beirual thupui ‘Isua Zuitu Rinawm’ tih hmang in Pathianthu an sawi ang a, zaithiam H. Lalhmangaihsangi, Zorema Khiangte, Vanlalrohlui, Stacy Punte, Jonathan Lianhna leh K.Lalthangzela ten Pathian fakna hun an hmang thin ang.