Beirual thuzir tan dawn ta

BeirualMizoram Baptist Kohhran chuan September thla tir atangin Tualchhung Kohhran ten Crusade/Camping leh House Fellowship, Home Visit, etc. siamin Beirual Programme an hman hnuah, tunkar Zirtawpni zan (September 21, 2018)  atang hian Beirual thuzir tan a ni ang. Tarlan tawh ang khan kumin Beirual Thupui  “Pathian ram” tih thu mi hrang hrang ziak zir a ni ang.

Beirual thuzir Programme leh thupui

(Beirual thuzir bu-a Index leh Programme tarlanah khan Zirlai 5-na leh 6-na hi dah thleng palh a ni a, a hnuaia tarlan ang leh a bu chhunga a bung indawt ang hian hman tur a ni e.)

Date & Days   Zirlai Thupui leh Ziaktu
21. Zirtawp zan : Zirlai  1-na Pathian ram awmzia (Rev. K. Lalbiakenga)
22. Inrinni zan : Zirlai2-na Pathian ram Thuthlung Hlui êngah(Rev. K. Lalbiakenga)
23. Pathianni zing : Sermon Pathian ram – Lalpa chawimawina ram
23. Pathianni zan : Zirlai 3-na Pathian ram Lal Isua zirtirna atangin(Rev. B. Zirsangliana )
24. Thawhtan zan : Zirlai 4-na Pathian ram Paula lehkhathawn atangin(Rev. B. Zirsangliana )
25. Thawhleh zan : Zirlai 5-na Pathian ram leh Kohhran(Rev. J.C Vanlalluaia)
26. Nilai zan: Zirlai 6-na Pathian ram leh pian tharna(Rev. J.C Vanlalluaia)
27. Ninga zan: Zirlai 7-na Pathian ram thilsiam dangte hnenah(Rev. PC Lalropuia)
28. Zirtawp zan : Zirlai 8-na Pathian ram zia lantirna turte(Rev. PC Lalropuia)
29. Inrinni zan : Zirlai 9-na Pathian ram leh Mizoram Kristianna(Rev. L. Lalsawmliana)
30. Pathianni zing : Sermon Pathian ram-Tunah leh nakinah
30. Pathianni zan : Zirlai 10-na  I ram lo thleng rawh se(Rev. L. Lalsawmliana)

Download:
Beirual thuzir (text)

Beirual thuzir tlirlawkna

………………..

 

BEIRUAL HMAN TAN DAN 

Kum 1918 March thla khan Champhai Hmunhmeltha khua, In 40 vel awmnaah chhim leh hmar infinin Inkhawmpui (Presbytery) an nei a. Palai 1700 zet an kal a; chhim lam atangin Baptist Kohhran aiawhin Sap Upa leh Pastor Rohmingliana an tel ve a. Chutih lai chuan Mizoram pumah kristian 12,000 an awm tawh a; ring loho chu 10 theuha an inkim a ni. Chuvangin kum tin ring lo pakhat theuh kristianah siam ila, chumi hunah chuan kan bei rual a; ring loho chu hneh vek i tum ang u, tiin Beirual hi an rawt chhuak a.

Mizoram Baptist Kohhran chuan kum 1926 Presbytery-ah Beirual hi neih a rel a, 1927 January atangin beirual hi kan nei tan niin, Rev.V.L. Zawnga chuan a sawi a. A tirah chuan January thlaah neih a ni thin a, mahse khua a vawh thin em avangin September thlaah an  sawn a; tun thlengin hei hi kalpui a ni ta zel a ni.

Beirual  hi thla khat chhung neih a ni thin a. Thla chanve chhung chu tawngtai nan hman a ni a. Zanriah ei kham veleh dar an vua a, tawngtai turin Biak inah an kalkhawm thin a, ina lo awmte pawh inah an tawngtai thin a; chutianga thla chanve an kalkhawm hnuin thla chawhnu lamah an feh chhuak thin a. Zanriah ei kham veleh dar an vaw leh a; mualah an kalkhawm thin a, lenna tur insemin in tinah Pathian thuhril turin an insem a, pakhat tal Krista hnena hruai tumin an bei a. Hun an hman zawhah tin mai lovin, mahni hmun theuh atangin mual an pankhawm leh a, tawngtaihona neiin an tin thin a ni.

Hun a lo kal zel a, Mizoram chu Kristian vek kan lo nih tak avangin hetianga tih reng hi a tul ta lo va. Thuzir tur buatsaihin kristian nun inzirtirna hun atan hman a ni thin a. Hun rei tak chu thla chawhma lam ni 15 chhung chu Thuzir nan hman a ni a; Kohhran tinin Headquarter atanga thuzir tur an buatsaih chu Biak inah a huhovin zir thin a ni a; thla chawhnu lam chu Tualchhung Kohhranin anmahni tha tihdan berin an hmang thin a; Camping leh Crusade nante hman a ni deuh ber. Kum 2014 atang khan thuzir dan pawh tidanglam lehin September thla pum chu Beirual thla atan hmang thovin hun hmasa lamah tualchhung kohhranin anmahni tha tih angin programme an siam a. September ni 21-30 chhung, zirlai 10 thu zir tur buatsaihin biak inah a huhovin zir a ni thin.

Posted in BCM News.

admin