Beirual thuzir tluang takin zawh fel a ni ta.

Kumin Beirual thla programme chu kohhran hoten a theih china ruahmanna siam a nih ang in Pathian hruaina leh awmpuina in tluang takin an hmang zo ve leh ta.

Kum dangah chuan September thla chawhma lamah Camping leh Crusade te neiin beihpui thlak thin a ni a. Kohhran tam zawkin he hun hi Thlarau lama intuai hriam nan leh kohhran huang chhunga mite hruaikhawm nan an hmang thin a ni. 

Kuminah erawh chuan Covid-19 hrileng avangin Kohhran Inkhawm leh Programme hrang hrang te hmang thei lovin inkhuahkhirhna dan hnuaiah kan awm a. Hemi avang hian Crusade/Camping leh beirual thuzirna hun Biak in emaw in lamah emaw kalkhawma neih thin ang te hman theih a ni ta lo a ni.

Hetih rual hian, September 21 atanga ni 30 chhung khan Beirual Thuzir programe erawh chu Mahni chhungkua-ah leh hmun thenkhat ah chuan upa bial then ang te pawhin a thei thei in hmangin kumin Beirual thuzir atana buatsaih “Din Thar lehna” tih Rev. B. Zirsangliana ziak chu zirho a ni a.  Chhungkaw tam tak leh kohhran member ho ten hlawk takin an hman thu report kan dawng a ni.

Hetihlai hian Administrative Committee leh Communications Department ruahmanna-in Beirual thuzir hi TV leh Youtube kaltlangin pek chhuah thin a ni a. Thuzir hruaitu mi hrang hrang ten an chanpual tha taka tiin thuzir an kaihruai a. TV leh Youtube lama chhimtu ten hlawkthlak an tih thu report hrang hrang dawn a ni bawk. Tin, TV leh Youtbe lama Beirual thuzir pek chhuah zawh apiangin mi thahnemngai engemawzatin Whatsapp, Facebook leh Zoom Video online kaltlangin sawihona hun hlung takin an nei thin bawk a ni.