BHSS ah Class X leh Class XII ten regular class an kal tan.

Covid-19 hri leng avanga hun rei tak School naupang te class kal thei lo va School te khar a nih hnu-in, Mizoram Sawrkar, Education Department-in ruahmanna thar a siam angin October 16, 2020 atang khan,  High School leh Higher Secondary Board Exam hmachhawn tur, Class X leh Class XII te Class kal tan tura a tih chu Baptist Higher Secondary School, Serkawn pawhin zawm-in regular Class an kal ve ta.

School tan ni atangin naupang te leh zirtirtute chu Sorkarin tih tura a duan te tiin Face Mask vuahin thutna tlar khatah naupang 2, zel thuin, a hmaa class an then sa chu a let zel siam belh in an kalpui mek a ni. Tun dinhmunah BHSS-ah hian Class X zirlai 121 an nei mek a, Class XII (Arts) ah zirlai 154  leh Class XII Science -ah zirlai 55 an awm mek bawk.

Baptist Higher Secondary School, Serkawn hi kum 1961, February 8-ah Christian High School tih hming pu-in din a ni a. Mizoram chhim lama zirna School zingah a upa ber pawl niin, sulhnu pawimawh tak tak leh Mizoram mai ni lo India ram tana mi pawimawh tak tak engemawzat a lo chherchhuak tawh a ni. Kum 1995 atangin Higher Secondary School-ah upgrade a ni a, Zirlai pawh kum tin sang chuang an lo nei ta a ni. Tunah hian Nursery atanga Class XII thleng zirna kalpui niin zirlai sang hnih dawn an nei a ni.