BKHP Day – May 2

Tunkar Pathianni, May 2, 2021 hi Baptist Kohhran Hmeiche Pawl (BKHP) din champhaphak vawi 83-na a ni a.  Kumin BKHP Day thupui chu “Tho la, i Pathian ko rawh”, ( Jona 1 : 6b) tih a ni.

BKHP Day hi kum dangah chuan Mizoram pumah BKHP te’n urhsun takin an hmang thin a, unit tinin tha an tih ang leh an remchan dan angin Inkhawm bakah intihhlimna te neiin vantlang tana thil tha tih nan te an hmang thin a ni.

Nikum ang bawkin, kuminah pawh BKHP Day hi Covid-19 hrileng avanga ram pumah Puipun leh Inkhawm khap a nih avangin kum dang angin hun hman theih a ni leh dawn ta lo a. Amaherawhchu, Headquarters atanga tawngtai thupui buatsaih sa hmangin mahni remchan dan anga Pathian hnena lawmthu sawina leh tawngtaina hmang theuh turin Headquarters chuan a chah a ni.

BKHP Day pual thuchah leh Programme siam a ni a, Youtube leh TV lamah BKHP Day ah en theih a ni ang.
BKHP Day Special Programme
BKHP lo pian chhuah dan (Documentary Clip)