BKHP ten Chawnghei tawngtai an nei

June 30, 2021 (Nilaini) khan BKHP- te chuan ram pumah chawnghei țawngţai an nei. He tawngtai programme hi kum tina an lo neih thin leh,  MBKHP Rolrelna pawhin  rel thar zel ngai lova kum tina bawhzui tura a dahte zinga mi a ni. He hunah hian tawngtai subject hrang hrang – Missionary pual, ram tan, ruihhlo ngai leh zuartute tana țawngţai țhin a ni a. Kumin ah hian Covid-19 avanga kan ramin harsatna a tawh mek pual pawh ţawngţai thupui ah telh a ni.

Hemi ni-a an ei ai an ken khawm țhin chu missionary damlo/harsatna tawkte ţanpui nan hman ţhin a ni a. Kumin hian Missionary/an nupui/pasal/fanaute mi 19 ţanpui tawh an ni.

Hrileng avangin kumin hian a huhova Biakin a hun hman a rem loh avangin a hman dan tur hi Unit tin te mahnia in relsak tura hriattir an ni a.Unit tam zawk ten mahni remchan angin mahni remchan hunah an hmang a. Unit țhenkhat Biakin a hmang thei te pawh an awm a ni. He hun hmang tura mahnia Biakin a kal te pawh an awm bawk.