Blood Donation Camp hmun hrang hrang ah neih a ni.

Mizoram Thalai Kristian Pawl(MTKP) -in Blood Donation Calendar a siam angin August 22, 2020 (Inrinni) khan ṬKP Rahsiveng Pastor Bial Christian Hospital, Serkawn–a hman turin Gospel Centenary Hall, BCM Rahsiveng ah Voluntary Blood Donation camp an nei.

Christian Hospital Blood Bank a thawk ten a hmunah thisen hi lak chilh a ni. TKP Member 60 chuang kal khawm atangin Mipa – 15 leh Hmeichhia – 13, an vaiin  28 in an pe a ni. Tun tumah hian Bial chhung Unit atangin Rahsiveng Unit ten thisen hi an pe a ni.

He mi ni vek hian TKP Bawngkawn Pastor Bial te chuan Civil Hospital Aizawl ah thisen unit 43 (mipa 39 leh hmeichhia 4) an pe a. TKP member thisen petu te hi Bawngkawn unit atangin mi 23, Chaltlang unit atangin mi 11, Bawngkawn Brigade atangin mi 5 leh Edenthar unit atangin mi 4 an ni. Bawngkawn Pastor bial atang hian kumin may ni 16 khan unit 33 an lo pe tawh bawk a ni.

Lawngtlai area lam ah pawh August ni 22 khan LATKP Blood Donation Calendar siam bawhzuiin TKP Bethany unit, College veng ten thisen unit 22 an pe a, thisen petu te hi mipa 18 leh hmeichhia 4 an ni.