BMP Day – May 4

BMP Emblem

May 4, 2020 (Thawhtanni) hi Baptist Mipa Pawl (BMP) din champha phak vawi 40-na a ni a. Kumin BMP Day thupui atan “Krista zara hnehtu” (1 Korinth 15:57) a ni ang.  .

BMP Day hi Mizoram pumah BMP unit hrang hrang ten remchang an tih ang leh tha an tih angin Progamme siamin an hmang thin a, zing karah te hnatlang leh chhun lamah intihhlimna programme te siamin, zan lamah inkhawm programme an hmang thin a, Headquarters atanga thupui thlansa hmangin thuchah ngaihthlak thin a ni.

Kuminah BMP Day hi Sawrkar Chawlh a nih loh avang leh Covid-19 hrileng avanga ram pumah inkharkhip mek a nih avangin eng angin nge hun hman theih dan tur chanchin kan hre thei rih lo a ni. Hetihlai hian BMP Day pual thuchah leh Programme BCM AV-in a siam chu May 4, 2020 hian LPS (12) ah dar 6:00, naktuk may 2  dar 6am leh chhun dar 12 ah te tih chhuah a ni ang a, Zonet (Rinna) channel-ah  dar 8 leh naktuk zing dar 8 ah te tih chhuah a ni ang. He bakah hian Youtube BCM Channel- ah dah a ni ang.

Baptist Mipa Pawl (BMP) hi Thingsaiah  kum 1980 May ni 4-ah khan din tan a ni a. Chutih lai chuan a hming hi sâp tawngin “Baptist Men’s Fellowship” tih a ni a, a lam a har deuh avangin kum 1983-ah “Baptist Mipa Pawl” tia thlak a ni. BCM Assembly 1988 chuan BMP hi Kohhran hnuaia Fellowship pakhat ni turin a lo pawm ta a, chuta tang chuan Tualchhung Kohhran hrang hrangah din phal a ni ta bawk a. Assembly chuan BMP Inkaihhruaina Dan ruahman chu a pawm nghal bawk a ni.

BCM Assembly 2011 chuan BMP chu Tualchhung Kohhran bakah Pastor Bial tina din a lo phalsak leh ta zel a, tichuan Pastor Bial tam takah din a lo ni ta zel a ni. Tunah chuan hmun tam takah Bial BMP Inkhawmpui leh rorelte pawh neih thin a lo ni ta bawk.

2019-2020 BCM Statistics a kan hmuh angin tunah hian BMP member hi 15,100 (singkhat sang nga leh za) an awm mek a ni.