BMS Tuichawng tlawhin AGS (Mission) leh Property Department Director te an kal.

Kar hmasa Inrinni, September 18, 2021 khan Baptist Mission School, Tuichawng compound leimin zel tur venna lung bang (retaining wall) siam te en in Rev. Dr. C. Vanlaldika, AGS (Mission) leh Er. Victor Lalrinsawma Sailo, Property Department Director te an kal a. School building thlang leimin leh lungrem (retaining wall) siam zawh hlim te chu a hmunah kal in thawktu te hmalakna te  an zuk hmuhpui a ni.

BMS Tuichawng building bul mai hi vawi tam tak a lo min tawh thin a. Kum 2 vel kalta atang phei kha chuan School building tan pawha hlauhthawnawm thei dinhmunah awm in, School bul awih tak leh ko thui tak chu Retaining wall siamin nikum atang khan hna thawh tan a ni a. Tunah hian hna pawh zawh thawkhat tawh a ni a. September ni 4 zana ruah nasa tak sur ah khan tuna lungremna thlang lam, foundation hnuai lam chu a min thar leh a, hei hian lungrem te pawh a ti khi nual a, vanneihthlak takin lungrem hi a chim lo hlauh a ni.