Buhfaitham Pathianni-April 28,2019

Tunkar Pathianni, April 28, 2019 hi Mizoram Baptist Kohhran Ni pawimawh (Special Sunday) “Buhfaitham Pathianni”a ni a. Hemi pual hian Mizoram pumah Baptist Kohhrante chuan an hmang dâwn a ni. Pathianni Chawhma Inkhawm-ah Headquarters atanga thupui thlan sa “Thil petu chuan ui lovin pe rawh se.” (Rom 12:8)  tih hmangin Pathian thuchah ngaihthlak a ni ang a. Headquarters atanga Tawngtai thupui siamsa hmangin tawngtairual leh hemi ni pual thuchah buatsaih chu Kohhran tinah chhiar chuah a ni bawk ang.

Tawngtairual thupui: 
i) Kan thawhlawm leh mahni Pathian hnena hlanna.
ii) Buhfaithamah hma kan sawn zel avangin lawm thu sawi ila, hmasawn zel turin Pathian hnenah dil ang.
iii) Buhfaitham khawntute leh enkawltuten tisa leh thlarauvah chakna an neih zel theih nan leh lawm taka he rawngbawlna hi an thawh chhunzawm zel theih nan.
iv) Buhfaitham hlutna leh tangkainate kan hriata, kan ngaihpawimawh deuh deuh theih nan.
THU CHHIAR TUR
Kum 1908-ah Khasi rama nu pakhat chuan chaw chhum apiangin buhfai vei khat lek lekin dah hrang ila, Kristian tinin kan tih chuan nasa takin hna a thawk thei ang tih rinna a nei a; a tinghal ta a. Rei lo te chhungin Khasi ram a luan chhuak nghal ta a. Mizoram pawhin kan lo la chhawng ve ta a. BCM-in buhfaitham kan tham tan kum hi F.W. Savidge (Sap Upa) report-a a lan dan chuan kum 1915-ah tham tawh a ni a, Presbytery minute-ah chuan kum 1919- hi a lanna hmasa a ni.
Kum 1973 atangin BCM Assembly chuan buhfaitham rawngbawlna hi BKHP kutah a dah tan a, BKHP-ten an khawn a, Kohhranin a buaipui thin a. 1982 atang chuan mawhphurhna zawng zawng BKHP kutah a lo dah ta a. A man chuTualchung Kohhran kal tlangin Mission lamah theh luh a ni. BCM-in thahnemngai taka buhfaitham thamtute avangin buhfaithamah hma kan sawn zel a, Pathian hnenah lawm thu sawi ila, hma kan sawn zel theih nan tan i la zel ang u.
Kum 2016-2017 aia kum 2017-2018-a buhfaitha inphalna leh buhfaima hma kan sawnna hi Rs. 5,724,656/- a ni a. Hetianga hma kan sawnna hi chhung tinteham khawntute leh enkawltute rawngbawlna rah a ni a, a va ropui em! Lalpa chu fakin awm rawh se.

Kum 10 chhunga BCM-in Buhfaitham-a hma a sawn dan:

Kum   Sum hmuh zat Punna
2009 – 2010  – 1,89,95,552.00
2010 – 2011  – 2,34,44,300.00 44,48,748.00
2011 – 2012  – 2,88,03,599.00 53,59,299.00
2012 – 2013  – 34,895,771.00 60,92,172.00
2013 – 2014  – 40,739,775.00 58,44,004.00
2014 – 2015  – 47,558,569.00 68,18,794.00
2015 – 2016  – 55,483,671.00 79,25,102.00
2016 – 2017  – 61,170,221.00 56,86,550.00
2017 – 2018  – 66,894,786.00 57,24,565.00
2018 – 2019  – 7,48,47,036.00 79,52,250.00

 

Related posts:

Buhfaitham Pathianni 

Mission rawngbawlna-Buhfaitham hmangin

 

Posted in Uncategorized.

admin