BWA Congress-ah kal dawn

Khawvel pum huapa Baptist Kohhran inzawmkhawmin kum 4 dana inkhawmpui lian a neih thin, Baptist World Congress-a tel turin President Rev.C. Ngurhnema leh AGS i/c Service, Rev. Lalbiaksanga Chinzah te kal tura beisei an ni a, anni pahnih bakah hian Rev.Dr. C.L.Hminga leh Pu ZD. Lalnunmawia (Vice Principal,BHSS Jr.Sec) te kal an tum bawk.

 Inkhawmpui hi South Africa khawpui Durban-ah July 22-26, 2015 chhung hian neih tur a ni a; he chanchin ziak lai hian visa dinhmun a la chian loh avangin an kal thei ngei dawn em, tih kan hre hman lo.BWA Congress hi kum li danah neih thin niin khawpui hrang hrang leh Continent hrang hrangah neih thin a ni a. Kumin hi vawi 21-na tur a ni. He Inkhawmpui lian thupui atan “Jesus Christ, The Door” tih a ni ang.

for more information go to: http://www.bwanet.org/congress/program-congress

Speakers

 carroll Anthony Carroll from the Bahamas:

Carroll hi  Bahamas ram Nassau, Antioch Native Baptist Kohhran senior pastor a ni a, Bahamas National Baptist Missionary and Education Convention-ah President lo ni tawh leh  BWA General Council member leh Commission on Evangelism Committee member ni lai a ni.

 chin Peter Chin from South Korea:

Chin hi South Korea – Bundang-Suji district-a Global Mission Church-ah senior pastor ni mek a ni a, USA-ah Pastor hna a lo thawk tawh bawk. Fuller Theological Seminary, Midwestern Baptist Seminary, Trinity International University in Ministry leh University of Virginia atangte-in Theological Degree a la

 gregory Joel Gregory from the United States:

Gregory hi Truett Seminary, Texas –a Professor hna kum 10 lo thawk tawh leh  Joel Gregory Ministries din tu a ni a, Baylor University atangin New Testament-ah Ph.D Degree a la.  Thusawi(Preaching) lama mi thiam chungchuang a ni. Tunah hian BWA Commission on Baptist Worship and Spirituality –ah member a ni.

 Ndichafah Donald Ndichafah from Cameroon:

A ni hi a All Africa Baptist Fellowship vice president ni lai niin kum  2008-2012, chhung khan Cameroon Baptist Convention-ah general secretary a lo ni tawh a tunah hian BWA Commission on Baptist Worship and Spirituality Committee member a ni mek bawk.

 oprenova Dimitrina Oprenova from Bulgaria:

Speaker paruk zinga hmeichhe awm chhun,  Dimitrina Oprenova hi First Baptist Church Bulgaria Pastor a ni a, Bulgarian Baptist Women’s Department-ah president ni lai leh European Baptist Women’s Union-ah Executive Committee a ni bawk. Hmeichhia, Thalai leh Naupang zinga rawngbawlna lam kalpui thin leh mithiam a ni.

 silvado Luiz Soares Silvado from Brazil:

Brazil rama Bacacheri Baptist Kohhran Pastor Silvado hi Brazilian Baptist Convention-ah President niin BWA General Council leh the Mission, Evangelism and Theological Reflection Advisory Committee member nilai a ni.

Posted in BCM News.

admin