BWA General Secretary thar

Rev.Elijah Brown – BWA Gen.Secretary 2018-2022

July 2-7,2017 a Baptist World Alliance(BWA) General Council Meeting, Bangkok-a neih zawh takah BWA General Secretary 9-na atan Rev.Elijah Brown Mathew chu luangrual taka thlan a ni. Brown hian January 1, 2018 atangin General Secretary ni lai, Rev. Neville Callam chu thlakin a hna thar hi a chelh dawn a ni.

Rev. Elijah Brown Mathew hi Texas Pastor fapa a ni a, a pa ang bawkin pastor nih tumin Pathianthu a zir a, kum 2002-ah ordained a ni. July 2002 -atangin Taylor’s Valley Baptist Church Temple, Texas-ah Associate Pastor niin  Pastoral Ministry rawngbawl hna a tan a. Kum 2007 atangin  BWA-ah hian  Committee peng hrang hrangah dinhmun pawimawh tak tak a chelh chho a. BWA General Council; BWA  Constitution and Bylaws Committee; BWA Nominations Committee; BWA Congress Committee; BWA Mission, Evangelism and Justice Advisory Committee leh BWA Commission on Theological Education–ah te member a lo ni tawh a, BWA Commission on Religious Liberty –ah Vice Chencellor hna a chelh tawh bawk. Tunah hin BWA Regional Secretary for North America leh North American Baptist Fellowship –ah General Secretary ni lai mek a ni bawk.

Brown earned a Bachelor’s degree from the University of Mary Hardin-Baylor, Texas-ah a rualin History leh Religion -ah Bachelor Degree a hmu a,  University of Edinburgh, Scotland atangin Ph.D Degree a hmu leh a ni. Ph.D a hmuhna research paper chu ‘Divinity with a focus on World Christianity’  tih a ni.

Amah hi Social Works leh Human Right lama mi thiam leh tui tak mai a ni a. Research paper tam tak ziakin hmun hrang hrangah research leh Training te a kaihruai thin. BWA Human Rights Advocacy hna thawkin South Sudan, Nigeria, Eritrea, Iraq, Nepal leh ram hrang hrangah te Kristiante leh hnam hnuaihnung zawkte rahbeh an nih dan te a hmunah enin a kal kual thin a. Chung a kalna hrang hrang report te chu UN leh US Department of State te, US Commission on International Religious Freedom ah te a thehlut thin a ni.

for further details: BWA News Release

Posted in BCM News.

Leave a Reply

Your email address will not be published. Required fields are marked *