BWA Hmeichhe tawngtai Ni :November 2

November Thawhtanni hmasa ber hi khawvel pum huapa Baptist Kohhran inzawmkhawm (Baptist World Alliance) -a, Womens’ Day of Prayer Day (Hmeichhia te Tawngtai Beihpui Thlakna Ni) a ni a. He ni hi kum tin neih thin a ni.

Kuminah pawh November 2 hian khawvel pumah thupui pakhat “Kan danglamna karah hian inlungrual takin i tang tlang ang u” tih thupui hmangin tawngtai programme hman a ni ang.

Mizoram Baptist Kohhran Hmeichhe Pawl (MBKHP) pawhin he ni hi zawm ve-in karleh Thawhtanni chawhma dar 10:00 atangin BKHP member ten mahni awmhmun theuhah Tawngtai programme hi an hmang dawn a. Tawngtai tum 7 neiin, Tawngtai Subject hi khawmualpui hrang hranga ram hrang hrang harsatna tuar mek te, Kohhran hruaitu te, Kristian te leh Missionary te tan leh BWA hruaitute leh Hmeichhe hruaitute pual-in neih a ni ang.

Kum dangah chuan he Ni hi BKHP Unit tinah awmni khamin nilengin Tawngtai programme hi Biak Inah neih thin a ni a. Kuminah erawh chuan hrileng avangin hetiang programme hi siam a remchan tak loh avangin BKHP member ten anmahni awmhmun theuhah hun an hmang dawn ta a ni.