BWA President Elect thar Tomas Mackey

July 10-12, 2019 chhûnga Bahamas, USA-a Nassau hmuna Baptist World Alliance General Council Meeting neih zawh takah ah khan BWA President Elect thlan a ni a. Tomas Mackey, Argentina mi chu 2020-2025 chhûng atân thlan a ni. Kum 2020, July 22-25 khian Rio-De-Jeneiro, Brazil-ah BWA Congress ah lakluh a ni ang.

Kum 30 chuang Pathian rawngbâwl hna thawk tawhin Local, National, Regional leh International thleng pawha Baptist chhûngkaw tâna mi tangkai leh mi pawimawh tak a ni. (Message from Tomas Mackey)

He meeting-a palai tur hian BCM aiawh tura ruat, BCM President, Rev. Pc Liandula leh AGS i/c Service, Rev. R. Lalbiakliana kal tura inbuatsaih vek tawh hnuin US Visa an hmuh theih tak loh avangin an tel thei ta lo a ni.

Baptist World Alliance (BWA) hi khawvel pumpuia Baptist Kohhran inzawmkhawm pawl lian tak niin Khawvel ram (countries) 126 atangin Kohhran pawl lian tak tak 239 an tel a, Local Church 168,491 awmin Kohhran member (Baptised) 47,500,324 (Vaibelchhe 47) chuang zet an awm a ni. (BWA Statis tics-2017 )

Posted in BCM News.

admin