BYFI Programme-in Tripura lamah

Baptist Youth Fellowship India (BYFI) intawhkhâwmna lian ber, kum li dana neih thin, National Baptist Youth Conference chu May 3-5, 2019 chhûng hian Khumulwng, Tripura-ah neih leh a ni dâwn ta a. He Conference chungchângah a thlengtu tûr Tripura Baptist Youth Fellowship hruaitute thu pawimawh hrang hrang sawipuia July 17, 2018-a meeting neihpui tûrin Rev. Lianchhunga Khiangte, Secretary, BYFI (Organiser, MTKP) chu a kal ang.

……………………….

MTKP HRIATTÎRNA

1. MTKP Inkhâwmpuiah LED Wall (TFT Display):

MTKP Inkhâwmpui 2019 inbuatsaihna a kal chho zêl a. He Inkhâwmpuiah hian pulpit hnungah LED Wall (TFT Screen) square feet 200-a hlai dah a ni dâwn a, rawngbâwlna chanvo neituten hman theih a ni ang. Video clip erawh mahni inbuaipuiin Programme Coordinator-te nên Inkhâwmpui tan hmaa ruahmanna lo siam fel vek tûr a ni. Programme Coordinator-te chu: Pu V. Rokhâwlkima, Assistant Secretary, MTKP (Leader, Ph. 9862838504); Tv. F. Lalremruatpuia, ECM, MTKP (Ph. 9612608892) leh Pu Tlantununga Chawngthu, ECM, MTKP (Ph. 9436387298) te an ni.

2.Career Guidance chungchângah Hma lâk zêl a ni:

Mizoram TKP Rorêlna thu chhuak anga Career Guidance chungchânga hmalâkna thûah, MTKP Executive Committee chuan ûm zuiin kumin hi MTKP thuzir kum a ni a, Bial leh Unit lam tihah lutuk lo zâwngin hmâ lâk a ni. MTKP atangin Career Guidance lehkhabu rotling tak tûr buatsaih mêk a ni a, tûnah hian mithiam thlan bîkte an bung mawlh mawlh a ni. School thlan chhuah (High School & Higher Secondary School)-ah Career Guidance campaign nei tûrin ruahmanna siam a ni bawk a. Tin, MTKP hruaitute Pastor Bial leh Unit hrang hranga rawngbâwla an pênchhuahnaah a remchân angin Career Guidance campaign neih zêl a ni. Hêng bâkah hian Pastor Bial leh Unit TKP ten a remchân anga mahni hmun theuhvah he MTKP Rorêlna thu hi kan ûm zui theih chuan a lâwmawm hle ang.

3. TKP Day Thawhlâwm leh Tawngtairual Thupui:

Kumin TKP Day thawhlâwm chu kan tih dân pângngaiin Unit tinten Pastor Bial kal tlangin MTKP-ah chhûn luh tûr a ni a. MTKP Executive Committee (Meeting No.14/2016-19 dated 13-04-2018)-in a rêl angin thlawhlâwm tlingkhâwm atang hian BCM Biak In Shillong sak tanpui a ni ang. Tanpuina hi kan pêk thuai theih nân September thla ral hmaa Headquarters thleng hman tûra theh lût tûrin kan inngên a ni. Tin, TKP Day inkhâwmah hian tawngtairualna neih theuh tûr a ni a. tawngtairual thupui tûr pawh Headquarters Office atanga siamin, MTKP Rorêlna 2018 thu ûm zuiin kumin MLA Election lo awm tûr chungchâng leh ram tâna tawngtaina tûrte târlan a ni a. Tin, Mizoram Youth Commission (MYC) huaihawta Mizorama Kohhran pâwl hrang hrang thalai hruaitute joint meeting thuchhuak angin Zoram thalaite tâna tawngtaina tûr thupuite telh a ni bawk.

 

“Krista leh Kohhran tân”

Sd/-Rev. Lianchhunga Khiangte
Organiser, MTKP

Posted in BCM News.