Capping & Lamp Lighting Ceremony an hmang.

April 16, 2021 (Zirtawpni): Vawiin chawhnu dar 1:30 khan School of Nursing, Christian Hospital, Serkawn chuan General Nursing & Midwifery (GNM) batch tharte pualin Capping & Lamp Lighting Ceremony, Nursing School Auditorium-ah an hmang a. He hunah hian Rev. Dr. C. Vanlaldika, AGS i/c Mission, Baptist Church of Mizoram chu khuallian ah hman a ni.

Inkhawm hi Dr. B. Lalrinzauvi, Deputy Medical Superintendent-in a kaihruai a, Rev. R. Lalnghakliana, Chaplain-in Pathian hnena inkawltirna hun hmangin, Pi Vanlalthlengliani, Principal, School of Nursing in GNM batch thar te hmelhriattirna leh Scool of Nursing report tlangpui a pe bawk. Pi H. Vanthangpuii, Tutor (Rtd)-in zirlai lut thar te lukhum a khum tir a, Zirlaiten thutiam an sawirual zawhah Rev. R. Lalbiakliana, AGS – Service-in Zirlaite Pathian hnena hlanna leh tawngtaisakna a nei a, Khuallian  Rev. Dr. C. Vanlaldika’n fuihna thuchah sawiin, Rev. R. Lalnghakliana’n malsawm tawngtaina-in inkhawm a khar a ni.

Tun tumah hian zirlai lut thar mi 20 te lukhum khum tir an ni a, Heti hian tun dinhmun ah Christian Hospital School of Nursing ah hian zirlai lawm luh thar te nen an vaiin mi 62 awm in, Thawktu Principal leh Tutor 8 an awm a ni.