Category Archives: BCM News

Home Post

Assembly Rorel Nikhatna zo ta

BCM Assembly Rorel nikhatna chu vawiin tlai dar 4:30 khan an tin ta a, Rorel tan hma-in Out Going President, Dr. K. Thanzauva chuan Rev. Dr. Raltawnga hnenah Mizoram Baptist Kohhran President nihna a hlan a. President thar Rev. Dr. Raltawnga chuan Assembly Rorel a kaihruai nghal. Hun hmasa lamah Rorel Palaite hminglamna neih a ni a, Palai hming lam lai hian member 908 an ni a. Vawiin tlai thlenga, Palai in report hi 1098 an ni tling tawh a ni. Rorel tan hma hian Kaltate sunna leh an rawngbawlna avanga lawmthusawina leh an chhungte tana tawngtaisakna hun hman a ni a, hriattheih chinah 2011 Assembly leh kumin Assembly inkara Kohhran Upa Chatuanram pan mi 36 an awm a ni. Devotion leh hun serh hman zawh hian Rev. H. Liangaia-General Secretary,  Rev. C. Ngurhnema – Associate General Secretary leh Rev. Dr.K.Lalrinthanga – AGS i/c Mission ten  kum 2011-2012 chhunga an enkawl Department hrang hrang Report an pe  bawk.

Vawiina an thu passed langsar zualte chu hengte hi a ni:-

  1. President Elect atan Rev. F.Sangvela thlan a ni.
  2. Dr. RL Hnuni, Principal, AICS Minister atana Ordain tura Executive Committee-in a report chu pawm a ni.
  3. Pro. Pastor atana lakthar mi panga te pawm pui a ni.
  4. Mizo tawnga Bible zirna (Bible School) AICS hnuaia din remtih a ni a. A hmingah “Jubilee Bible School” tih ni se, Lunglei, Serkawn-ah dah ni se tih a ni.
  5. Motor hlui(hman lai) Gypsy pathum leh Bolero pakhat tih ral-a a thar lei remtih a ni.
  6. Mission Pawl dang nena thawhhona thuthlung(MoU) sign tura dilna te pawm a ni. Chungte chu:
    • 1) Good News Society (Assam)
    • 2) Wycliffe Bible International Asia-Pacific (WBIAP)
    • 3) Yeshu Bhakt Pavitra Sabha
    • 4) Indian Evangelical Mission (IEM)
    • 5) Arunachal Theological College
    • 6) North East Centre for Training and Research (NECTAR)
    • 7) North
    • East India Harvest Network

7. Mission Field thar ‘Arunachal Far East’ Field hawn tura ruahmanna chu pawmpui a ni.

8. Rajbongsi hnam zingah thawh tan ni se tih ruahmanna chu pawm a ni.

9. Mission rawngbawl kum 75-na lawmna leh Missionary Conference 2014-a neih remtih a ni.

 

 

(Minute chhiar a la nih loh avangin Minute angin tih chhuah a ni lo va, resolution chin chauh tarlan a  ni)
Click on the following links to read More reports

General Secretary Report-for-Assembly-2012
Associate Secretary, Service-Report-for-Assembly-2012
Associate Secretary, Mission- Reportfor Assembly 2012

BCM Dinhmun tlangpui

 

 

Tuna BCM dinhmun tlangpui hetiang hi a ni

(BCM Statistical Handbook 2011-2012)

 

  • Tunah hian ABC (Area Baptist Council) 13 a awm a, Pastor Bial – 74, Tualchhung Kohhran 537 ah chhungkua 30704 an awm.

 

  • Oradain Minister thawk lai 122 leh Pastor Pensioner (la dam) 31, Probationary Pastor 18 an awm mek a, heng zinga 5 te hi tun Assembly-a Ordain tur an ni.

 

  • Kohhran Upa 2504 an awm a, chung zinga 15 chu hmeichhia an ni.

 

  • Rawngbawltu 3580 an awm a, chung zinga 231 te chu Hmeichhia an ni.

 

  • Kohhran Member zawng zawng – 151857 niin Baptisma chang chin member 103397 an awm.

 

  • Kum 2011 Assembly leh kumin Assembly inakrah mi 3529-Baptisma chang thar an awm a, Sakhaw dang atanga lo lut mi 685 (Mission Field chhiar tel lovin) an awm bawk.

 

  • Kum 2011 Assembly leh kumin Assembly inakrah hian Nausen 3271 hlan thar an awm.

 

  • Kum 2011 Assembly leh kumin Assembly inakrah Innei 1102 an awm a, Danpuitling 564 leh Dante 526 an ni.

 

  • BMP – Unit 249 ah member 11969 an awm a, BKHP – Unit 475-ah member 29711 an awm bawk.

 

  • TKP – Unit 419 ah member 37908 an awm a, KNP Unit 405-ah member 30013 an awm bawk.

 

  • Thawktu:  BCM hnuaia thawktu dinhmun hetiang hi a ni: Central Department hnuaiah Thawktu  206 an awma, heng zinga 32 te hi Contract leh Fixedpay an ni. Service Department hnuaiah Thawktu 300 an awm a, heng zinga 158 te chu Contract leh Fixed pay workers an ni a, Mission Department hnuaiah thawktu 557 awmin heng zinga 382 chu Contract leh Fixedpay workers te an ni. Tichuan Tun dinhmunah BCM hnuaia thawktu zawng zawng chu -1102 an ni.

Assembly tan dawn ta

Mizoram Baptist Kohhran Rorelna Sang ber – Assembly chu zanin atang hian tan a ni dawn ta. Zanin Inkhawm hi Palai lawmna leh Assembly hawnna atan hman a ni ang a. dar 6:30-ah inkhawm tan a ni ang. He Inkhawm hi Rev. Dr.K.Thanzauva, BCM President-in a kaihruai ang a, Assembly a hawng nghal ang. Assembly hawnna neih zawh-ah General Secretary, Rev. H. LIanngia’n Report a pe ang a, Rev. LBK Mawia’n “Thianghlimna – Pathian zia” tih thupui hmangin Pathian thuchah a sawi ang a, Zaipawl – Rahsiveng Bial, Lunglawn Bial, Buarpui Bial leh Bungtlang Bial zaipawl ten Pathian fakna hla an rem dawn a ni.

 

 

 

March 8 – 10 (Ningani-Inrinni) hian chhun lamah Assembly Rorelna neih thin a ni ang a, zan lamah Vantlang inkhawm a awm zel dawn a ni. Pathinni zing Inkhawm chu Ordination Service atan hman a ni ang a, hetah hian Probationary Pastor panga leh Dr. RL. Hnuni te Minister atan Ordain an ni ang.Pathianni chawhnu-ah Lalpa Zanriah Sacrament kilho a ni ang a, tlai dar 4:00-5:00-ah BCM Mual, Serkawn a BMS Monument hawnna leh Pathian hnena hlanna neih a ni ang.  He Monument hawng tur hian Rev. Peter Dunn, Baptist Missionary Society (BMS) Mission Director beisei a ni.

 

BCM Assembly Programme 2012

Missionary thlen Champha

March 8, 2012 (Ningani) hi MIzoram Baptist Kohhran Nipawimawh ‘MIssionary Thlen Champha” a ni a. He mi ni hi Sap Upa leh Pu Buanga’n Baptist Missionary Society tirha Tlabung an lo thlen ni a ni. Sap Upa leh Pu Buanga khan Mizoramah kum li lai an thawh hnu in Sap ramah an kir leh a. Chumi hnu chuan Arunachal-a Abor hnam, tuna Adi hnam inti ho zingah khuan an thawk leha. Chuta an thawh lai chuan Baptist Missionary Sociey chuan Mizoram chhim lamah Missioanry tirh an duha, Sap Upa leh Pu Buanga chu tawng thiam sa an nih avangin an sawm leh a. Kum 1903 March ni 8-ah Tlabung an lo thleng a, ni 13-ah Lunglei an lo thleng. Hetianga kan Missioanry hmahruaitu pahnihin Mizoram chhim lama rawngbawl tura ke an rawn chheh ni, March ni 8, 1903 hi BCM chuan chhinchhiah tlak takah ngaiin Kohhran Ni Pawimawh takah a ngai a ni.

Mizoram Baptist Kohhran hian Missionary hna lam hi a ngaipawimawh deuh deuh va, kan rama Missionary lo chhuakte ngaihhlutna pawh a nei nasa tial tial a. 1968-a Assembly chuan hei ni ah hian programme fel tak neia, Ramthim veina rilru Kohhran miten kan neih theih nana hman a duh ta a. Kan lo hmang ta a. Hun eng emaw ti chhung chu programme siama hman a ni. Amaherawhchu January ni 11 hi programme neia hman a lo ni tawh bawk a. March ni 8 hi chu Kohhran nawlpuiin awmni khama hmang lovin, Kohhran hnathawktute chhuti ni atan kum 1989 atang khan hman a ni ta a ni.

NCCI Conference-ah BCM aiawh

February 26-29, 2012 chhung khan ‘National Conference on Grass Root Ecumenism’, Rural Theological Institute (RTI), Madurai-ah neih a ni a, He Conference hi National Council of Churches in India (NCCI) leh Tamilnadu Theological Seminary (TTS) buatsaih a ni. Conference thupui atan Grass Root Ecumenism in India Today tih a ni a. He Conference-ah hian BCM aiawhin Rev. James Zorammawia leh Rev. Lalmuanzuala Sailo-te an tel. NCCI Member India ram hmun hrang hrang atangin Kohhran leh Pawl(Organizations) an kal khawm a, BCM-in Ecumenism lama hma lakna report pek a ni a, Statement Committee-ah pawh BCM aiawhin an tel bawk.

Missionary tirchhuak dawn

March ni 4, 2012 (Pathiani) hian  Nl.Marian L.Hnamte  chu Serkawn Biak inah tirh-chhuah a ni dawn. Missionary Tirhchhuah Inkhawm hi Mission Coordinator, Rev.R.Lalrintluangan a kaihruai ang a, AGS i/c Service, Rev. C. Ngur-hneman a tirchhuak ang a; AGS i/c Mission, Rev.Dr.K. Lalrinthangan thuchah a sawi ang.

……………….

MISSIONARY TIRHCHHUAH INKHAWM

March 4, 2012, : BCM Sêrkâwn

 

Tirhchhuah tur

Presiding Minister

Thuchah

:

:

:

Marian L Hnamte, M.A (Ling)Rev.C.Ngûrhnêma, AGS –Service , BCM

Rev.Dr.K.Lalrinthanga, AGS Mission, BCM

Inkhâwm hruaitu

:

Rev.R.Lalrintluanga,Mission Co-Ordinator

Presiding Minister

:

Rev.C.Ngûrhnêma, AGS –Service

Call to Worship

:

KHB No.338

Pathian fakna hla

:

Pathian hnêna tawngtai

:

Thupuan

:

Secretary, SBK

Thilpêka Pathian chibai bûkna

:

KHB No.355

Thilpêk hlanna tawngtai

:

Upa C.Laldingliana,Chairman Elect, BCM Serkawn

Pathian thu chhiar tùrt

:

i) Pu HS.Lalhmingthanga, Mission Promoter: (Joshua 1:3-9)

 

ii) Upa Dr.LH.Lalrammawia,Chairman,  Mission Comtt, BCM Serkawn: TT – 1:6-8

Introduction

:

Inkhâwm hruaitu

Testimony (5mins)

:

Tirhchhuah tùr

Tirhchhuah leh awngai sakna

:

Presiding Minister

Presentation of gift

:

Mission, Committee, BCM Serkawn

Solo

:

Nl.C.R.Laldingliani, Serkawn

Zaipâwl:

:

1) Sêrkâwn Pastor Bial Zaipâwl

 

2) Tualchhûng Kohhran Zaipâwl

Thuchah

:

Rev.Dr.K.Lalrinthanga

Pathian fakna hla

:

KHB No.398

Malsâwmna

 

………………………….

 

Rev. Lalthangliana Hnamte leh Pi Bualiangi te fanu  hi unau hmeichhia pathum leh mipa pakhat an ni a, amah hi an unau zinga a naupang ber dawttu a ni. May 16, 1982-ah Thingsai-ah a piang a, Ngurnunsangi English School, Lawngtlai atangin HSLC zovin, Gov’t Higher Secondary School, Serchhip-ah HSSLC a zir chhuak a, Hrangbana College, Aizawlah B.A(English Hons) a chhuah hnu-ah 2007-2009 khan M.A (Linguistics) chu NEHU hnuaiah tha takin a zo leh a ni.

 

Lehkha a zir lai hian a hun awl remchang ang angin Mission School te puiin Mission Field- leh Institution hrang hrangah a thawk thin a. 2004-2007 khan Zotram Baptist Mission School-Birpara-ah Evangelist Teacher-in a thawk tan a. M.A a zir zawm leh duh avangin a hna atanga chawlin Shillong-ah M.A a zir leh a. M.A a rawn zir chhuah hian HATIM-ah English Teacher-in 2009-2010 chhung a thawk leh a. 2010 May-August –ah BHSS, Serkawn-ah English Zirtir-in a pui leh a, SIM (Serving in Mission) leh BCM thawhhona kaltlangin Somalia rama Missionary ni tura lak a nih hnu- May – August, 2011 chhung-in NECTAR hnuaiah Cross Cultural Training (Missionary Training)-in Shillongah thla 4 chhung a training chu tha taka zovin, Missionary-a kal tura inpuahchah lai hian a kal tumna ber Somalia(Africa) hian Tualchhung buaina leh tam(famine) an tawh avangin ram dang atanga luh a har hle a. Kal dan tur te ngaihtuah leh kawng dap chhungin October 2011 atangin AICS-ah English a zirtir leh a ni. Tichuan SIM leh BCM hruaitute inbiak remna-in Kenya ramah hian a lut dawn ta a ni. Tunah hian BCM leh SIM thawhhona-in Tv. Lalbuatsaiha pawh Kenya ramah hian a thawk mek a ni.

 

Ama sawi danin a pianthar tirh atangin Full Time-a Pathian rawngbawl leh Missionary-a kal tura kohna hi a thinlungah a chiang em em a,  chumi tihhlawhtlin chu a duh leha chak ber a ni thin. Tuna Africa-a ka kal dawn hian Jona 4:10-11   “Tin, Lalpa chuan, i rinpui loh, i thantir pawh ni hek lo, zan khat thila lo awm a, zan khat thila boral leh um hi i lainat a: Ninevi khua, khaw ropui tak, a chhunga mi nuaikhat leh singhnih aia tam, an ding leh vei pawh thliar thei lote leh ranrual tam tak awmna hi, ka khawngaih lo van gem ni?” tih thu hmang hian Pathianin a ko nawn leh a ni.

Assembly atan inpeih ta

Mizoram Baptist Kohhran Rorelna sang ber – BCM Assembly vawi 116-na chu March 7-11 khian Electricveng Kohhran, Lunglei-ah  neih a ni dawn ta.  Kumin Assembly Thupui atan hian “Thianghlimna” tih hman a ni dawn a ni.  Assembly atana inpuahchahna leh inbuatsaihna hrang hrang a kal chho mek a – A dawltu, Electricveng Kohhran leh BCM Office te pawh an inpeih chhuak thawkhat ta.

 

March 7 hi thlenkim Ni niin  Registration tih nan chhun lam hun hman a ni ang a, Zan-ah Palai lawmna Inkhawm leh Assembly hawnna hun hman a ni ang. A tuk, March ni 8-10, 2012 (Ningani atanga Inrinni) thlengin chun lamah Rorel Inkhawm neih thin a ni ang. Assembly Rorel hi BCM President thar, Rev.Dr. Raltawngan a kaihruai ang.

 

Kumina rorel tur langsar zual zingah –  BHSS tana Bus lei rawtna te, Christian Hospital Lawngtlaia Doctor ngelnghet dah rawtna te, Thenzawl leh Zawlnuam bial Kanhmuna Guest House sak rawtna te, Kut hnathawkte chawikanna tur ruahmanna siam leh Corruption titlem tura hmalak rawtna te a awm a. Kum 10 dan zela Planning Commission din rawtnate a awm bawk.  Heng bakah hian ABC atanga thu lut Agenda engemawzat a awm bawk.

Dawltu lam:

Electric Veng Kohhran hi  member 1635 an ni a. Kohhran Upa 26 leh Rawngbawltu 16 an awm a; Bialtu pastor thuthmun a ni. An Kohhran chhungkaw 300 chuang hret an ni a, an Biak in hi ft.87×50 a zaua ni bawk.  Assembly dawl tur hian budget Rs. 800,000 vel an siam a, nuai sawm vel an tuak chhuak a ni. Assembly atan hian Committee peng 8 aia tlem lo an siam a. Reception Counter  hi Biak in kawt zawn chiah aah siam a ni ang. Official tih loh lirtheia kalte chu LDSC Ground No.II, Biak in thlang lawk ami-ah dah zel tur a ni ang a. Motor lian chi erawh chu Sobji bazar peng bak tlan phal a ni lo ang. Refrehment pawh Biak in thlang lawk, pen 20 vela hlaa awm, JNM Middle School kawt zawlah an buatsaih a ni ang. Assembly chhung hian BCM Office chu Biak in hnuaiah an awm dawn a ni. BCM Officce hi Assembly chhung chuan Serkawn-ah ni lovin, Assemblyna hmun, Electric vengah hian an in suan vek dawn a ni.

BCM Assembly Programme 2012

LUNGLEI TOWN T.K.P. MEET

Mizoram TKP buatsaihin Lunglei khawpui chhung huapa TKP te chuan March 3-4, 2012 hian Rahsiveng Biak inah Leaders Meet Cum Joint Fellowship neih a ni dawn a. March 3, nrinni-ah nilengin Khawpui chhunga TKP Unit tina O.B te pualin Leadership Training neih a ni ang a, thupui pahnih- TKP leh BCM Inrelbawlna tih leh Thalai Hruaitute leh tunlai khawvel tih thupui hmangin Paper present leh Discussion hun hman a ni ang. Resource Person-ah Rev.R. Zohmingliana leh Pu H. Lalhmingthanga, Saiha te an hmang dawn a ni. A tuk, Pasthianni ah Nilengin Programme hman a ni leh ang a, chawhma inkhawmah Organiser, Rev. Samuel Lalremsangan thuchah a sawi ang a, chawhnu Joint Fellowship chu Pu R. Lalrochama leh Nl. Lalbiakdiki ten an kaihruai ang a. Zan inkhawmah Tv.PC. Vanlalrovan thu a sawi bawk dawn a ni.

Detail Programme:

MARCH 3, 2012 (Inrinni)
1st session at 10:00 am-12:00 noon
Hruaitu

Resouce person

Thupui :

Solo

Paper present & Discussion

:

:

:

:

Nl. T.Thangkimi

Rev. R.Zohmingliana

“TKP te leh BCM inrelbawlna”

K.Zomuanpuii, Moria

     
2nd session 1:00 pm – 3:00
Hruaitu :

Resouce person

Thupui

Solo :

:

:

:

:

Pu R.Lalengliana:

Pu H.Lalhmingthanga

“Thalai hruaitu leh tunlai khawvel”

F.Lalremsiami, Zotlang

 

     
MARCH 4,2012 (Pathianni)
(Zing inkhawm at 10:00 am)
Hruaitu

Thuchah

Zaipawl

 

:

:

:

 

Pu Victor Lalrinawma Sailo

Rev. Samuel Lalremsanga

BCM Choir, Pukpui, Moria, Vanhne, Zohnuai, Salem, Sethlun

Solo : Bethsy Lalrinsangi
 
Chawhnu at 1:30 pm- 3:30 pm : Joint Fellowship
Hruaitu

Zaipawl

:

:

Pu R.Lalrochama & Nl. R.Lalbiakdiki

Chanmari, Electric, Bazar, Serkawn, Theiriat

Solo

Group zai

Short speech

:

:

C.Lalmuanpuii, Edenthar

Gospel River Band

MTKP Sr. adviser-te

Skit : TKP Serkawn Unit
Zai hruaitu : Gospel River Band
 
 
Zan inkhawm at 6:30 pm  
Hruaitu :

Thuchah :

Zaipawl :

 

Solo :

:

:

:

 

:

Pu F.Lalromawia

Tv. P.C.Vanlalrova

Rahsiveng, Zotlang, Venglai, Kikawn,
Ramzotlang, Chanmari Vengthlang

 

C.Vanlaldintharpuia, Theiriat

 

Lawngtlaiah Social Concern Awareness Campaign

Lawngtlai khawpui chhung pastor bial 3 huapin nimin, February 25 hian Social Concern Department chuan Awareness campaign an buatsaih dawn a. Headquarters atangin AGS i/c Service, Rev.C. Ngurhnema hovin an kal ang. Resource person atan Rev.Lianchhunga Khiangte, Pu C. Lalbiakthanga, Upa M. Thansiama, Pi Lalnunzami Chawngthu leh Pi Hmingthanzami Chawngthu te an ni ang.  Inrinni Programme bakah a tuk Pathianni khian  Kohhran hrang hrangah hun an hmang chhunzawm ang.

General Secretary Bihar-ah

BCM General Secretary, Rev.H. Lianngaia leh Zemabawk bialtu pastor, Rev. H. Vanlalruata te chu Compassion East India Partnership meeting pawimawh, Bihar khawpui Patna-a February 22-24, 2012 chhunga neihah BCM aiawhin an kal.